أكد الإعلامي عمرو أديب أنه سوف يدعم النادي الأهلي خلال مشاركته في بطولة العالم للأندية والتي ستقام بالولايات المتحدة.

وقال أديب خلال برنامج "الحكاية" المذاع على قناة "أم بي سي مصر": "بعيدا عن الرزالات والغلاسات بتاعة بعض الزملكاوية يجب أن أقول إنني كمواطن مصري سعيد وفخور بوجود النادي الأهلي في هذه البطولة العالمية وبعلن أني هكون مشجعا للنادي الأهلي لما يلاعب ميامي أو بورتو".

وأضاف: "أنا مستني أشوف الصراع بين أفشة وميسى ومستني أشوف القائد الشناوي وهو بيصد الكور من ميسى ومستني أشوف الأهلي وهو بيعمل انتاج عالمي".

وتابع: "مفيش أي مجال أن حد يقول إنه هيقف ضد الأهلي يعني انا بتفرج على بطول زي دي وأنا سمعت أنها بطولة مفتوحة ويبقي الماتش يبقي الساعة اتنين تلاتة الصبح وأشوف وسام بيلعب وحسين الشحات والسولية وكل النادي دي بتلعب لازم هشجعهم لازم هقف جنبهم".

وواصل: "الرزالة والغلاسة لا تصل ابدا أن انت تقول ايه وأنا مالي أنا زملكاوي منقفش مع الأهلي لا أقف مع الأهلي ومباراة مثيرة جدا أحب اشوف الأهلي وهو في حاجة عالمية زي دي أنا مش عايز من الأهلي تمثيل مشرف أنه عايز يعمل حاجة جيدة وإنجاز جيد".

وأكمل: "الرزالة والغلاسة بتاعة والله أنا مليش دعوة أنا زملكاوي أياكش يتغلب ويخرج من الدول الأول لا أنا عايز اتفرج على انجاز حلو والأهلي لما بيلعب في بطولة عالمية زي دي باسم مصر كلنا لازم نبقي مبسوطين وفرحانين زي ما الأهلي بيفرحلنا واحنا بنلعب في بطولات باسم مصر بردو".

واختتم: "انا بقول إن احنا ورا الأهلي وإن شاء الله نشوف كابتن افشة وهو في مواجهة ميسى مين ميسي ده اللي هيقف قدام أفشة إن شاء الله أفشة يخلص كل حاجة ونغني سطلانة وننبسط كلنا".