أكد الإعلامي أن مصر كانت حادة في مفاوضات الهدنة في قطاع غزة مشيرا إلى أنها دائما ما كانت تتمسك بحقوق الشعب الفلسطيني.

وقال أديب خلال برنامج "الحكاية" المذاع على قناة "أم بي سي مصر": "مصر كانت حادة في التفاوض ولم تكن سهلة ولم تفرط أو تضغط على حماس والإسرائيليين لغاية أمبارح كانوا بيقولوا حماس عاملة مشاكل ولا تريد الإنجاز".

وأضاف: "ايه مبرر أن جرايد انجليزي مثلا تجاملك واعلام أمريكي ورئيس أمريكي ايه الحاجة اللي انت ماسكها عليه أنت ماسك معاه حاجة وهو يحتاج إليك زي ما محتاج إلى أطراف أخرى كثيرة ودون وجودك في مشكلة".

وتابع: "مصر زي الماية والهواء مينفعش الاستغناء عنها في الحتة دي ومصر مينفعش الاستغناء عنها في السودان وفي ليبيا بس أنت مش واخد بالك بس".

وواصل: "مصر مش بتاعة دوشة ومش بتاعة الكلام ده مصر عايزة نتيجة وعايزة المصلحة للمنطقة كلها ولنفسها، احنا ممكن يبقي عندنا مشاكل داخلية ونتتقد ووارد يبقي في حاجة مضيقانا وفي تقصير ولكن لما تيجي عند مصر ودورها في الإقليم هنا نقف جميعا صفا واحدا".

وذكر: "اللي قاعد برة وعايز ينقل لك الضعف وينقل لك أنك بائع وأنك خائن عمرنا ما خوننا عايزين تدوروا على الخونة معروفين".

وكانت دولة قطر قد أعلنت في وقت سابق عن التوصل إلى اتفاق لوقف إطلاق النار بوساطة مصرية قطرية أمريكية على أن يبدأ تنفيذ الاتفاق بداية من الاحد القادم.