فرصة وخطوة قوية هتفتح الباب قدام تأسيس الشركات واطلاق الاف المشروعات وتشغيل الاف الشباب.. إيه اللي حصل وإيه هو القرار الجديد وإزاي هينعكس على الاقتصاد المصري.. 

في ناس كتير فاكرة إن اقتصاد الدول المتقدمة قايم على على الكياانات العملاقة والشركات الكبيرة ودي مش صحيح بالمرة لأن الشركات العملاقة اللي بنسمع عنها في العالم بدأت بفكرة صغيرة وامكانيات متواضعة وفيها شركات بدأت في بدروم وبموظف واحد قبل ما تبقي كيانات ضخمة بحجم أعمال بالتريليونات زي شركات أبل ومايكروسوفت وميتا وغيرها من الشركات دي.

يعني باختصار الشركات الصغيرة والناشئة هي المشروعات اللي عملت وبنت الاقتصاديات الكبرى وعشان كده الدول دي اهتمت بالإفكار الجديدة وبرواد الأعمال الصغيرين وسهلت اجراءات تأسس الشركات والمشروعات ليهم وجنت ثمار دا كويس جدا وبقي عندها اقتصاديات ضخمة لأن مفيش مشروع ناجح بفضل صغير لكن بيطور ويكبر وبيشغل الاف الموظفين وبيكون إضافة كمان للاقتصاد..

مصر عرفت الحقيقة دي وبقت تشجع الشباب للدخول وعمل مشروعات صغيرة ومتوسطة وشركات ناشئة وقدمت مبادرات كتير لتشجيع الشباب وتأهيلهم لسوق العمل الحديث ودا برعاية شخصية من الرئيس السيسي نفسه.

أخر قرار في سلسلة قرارات تشجيع الشباب المصري لاقتحام سوق الأعمال الحرة وعمل المشروعات الخاصة كان إصدار هيئة الرقابة المالية برئاسة الدكتور محمد فريد، قرارين بشأن زيادة الحد الأقصى للتمويل من الشركات والجمعيات والمؤسسات الأهلية لتمويل المشروعات متناهية الصغر وزيادة الحد الأقصى للتغطية التأمينية لنشاط التأمين متناهي الصغر إلى 312.5 ألف جنيه بدل من 250 ألف جنيه مراعاة المتغيرات الاقتصادية وتطبيق قانون التأمين الموحد.

ونص القرار على زيادة الحد الأقصى للتمويل الممنوح من الشركات والجمعيات والمؤسسات الأهلية لتمويل المشروعات متناهية الصغر إلى 266 ألف جنيه بدلاً من 242 ألف جنيه بزيادة تبلغ 10% عن الحد الأقصى المعمول به قبل صدور القرار.

الهيئة فسرت اسباب القرار وقالت إنه ببهدف لاتاحة وتمكين الأفراد والشركات من الحصول على التمويل المناسب سواء لبدء المشروعات أو تنميتها وتطوير حجم أعمالها وزيادة تنافسيتها وإن التعديل برفع قيمة الحد الأقصى للتمويل لمراعاة المتغيرات الاقتصادية لمواجهة آثار ارتفاع معدل التضخم، وإتاحة التمويل المناسب دعماً لجهود الدولة في تحقيق خطة التنمية الاقتصادية.

يعن باختصار هيئة الرقابة المالية قررت تشجيع الشباب زي ماقلنا وأصحاب المشروعات أو اللي عنده فكرة ومحتاج تمويل في أول المشوار ورفعت الحد الاقصى للتمويل وبكده بتحاول توفر دخل مناسب لشريحة كبيرة من أفراد المجتمع من أصحاب الدخول المنخفضة وتعزيز  قدراتهم على الاستثمار في الشركات المتوسطة والصغيرة ومتناهية الصغر ودفعهم يكونوا رجال أعمال كبار في المستقبل وقادة أعمال ومليونيرات ودي فايدة العمل الحر بعيدا عن الوظايف الرسمية.