يا ترى أسعار الدهب رايحة على فين، وإيه سر موجة الصعود المفاجئة اللي حصلت مع بداية سنة 2025، هل قرارت ترامب الاخيرة هي السبب في ارتفاع أسعار المعدن النفيس ولا حاجة تانية، والأيام الجاية هيحصل فيها إيه.

واقعيا، أسعار الدهب في مصر والعالم سجلت ارتفاع تاريخي مع بداية سنة 2025، وخاصة خلال الأسبوع اللي فات، فسجلت نسبة زيادة بلغت 1.35%، عشان يوصل سعر الجرام لأعلى مستوى خلال الأسبوع عند 4175 جنيه.

ونقدر نقول، إن الارتفاع ده اقترب من أعلى مستوى سجله الدهب مصر خلال السنة اللي فاتت، واللي اتجاوز 4200 جنيه للجرام، وده بيعكس وجود زخم صاعد وقوي في السوق المحلية، واللي مدعوم في الأساس بالقفزة العالمية.

ولو بحثنا في أسباب الصعود المفاجئ لأسعار الدهب في مصر، فبترجع لعدة عوامل، أهمها الارتفاع المتواصل في أسعار المعدن الأصفر عالميا، خاصة وأن البورصة العالمية للدهب سجلت ارتفاع ملحوظ في سعر الأونصة، عشان توصل ل  2935 دولارًا وفق الإغلاق الأسبوعي، وده في حد ذاته انعكس بشكل مباشر على الأسعار المحلية عندنا في مصر.

كمان، السوق دلوقتي بيشهد حالة من الترقب، لبدء مرحلة تصحيح واللي ممكن تؤدي إلى تراجع طفيف في الأسعار، ولكن التصحيح المتوقع ده مش هيأثر على الاتجاه العام الصاعد للدهب على المدى المتوسط، واللي متوقع إنه يستمر في ظل الظروف الاقتصادية العالمية الحالية، بما في ذلك التضخم وعدم الاستقرار في الأسواق المالية العالمية والحرب التجارية.

أما بقى على الصعيد العالمي، فأسعار الذهب شهدت ارتفاع كبير من بداية سنة 2025، وده حصل بنسبة تقارب 12%، عشان تسجل أسرع وتيرة صعود خلال شهرين.

والارتفاع ده بيقف وراه مجموعة عوامل، زي التقلبات الاقتصادية العالمية والحرب التجارية الجديدة بعد وصول دونالد ترامب وفرض جمارك على الشركاء التجاريين للولايات المتحدة الأمريكية، وكمان زيادة الطلب على الذهب كملاذ آمن في أوقات عدم اليقين الاقتصادي وأزقات الأزمات والحروب اللي بتمر بيها المنطقو، ده بالإضافة لسياسات البنوك المركزية العالمية اللي بتدعم الطلب على المعدن الأصفر.

والكلام ده معناه إن السوق المحلية للدهب تتأثر بشكل مباشر بالتطورات العالمية، عشان كده ارتفاع الأسعار عالميت بينعكس على تكلفة تسعير الدهب في مصر، وبيدفع الأسعار المحلية إلى الارتفاع.

كمان، الطلب المحلي على الدهب لسه محدود، خاصةً في ظل استخدامه كوسيلة للادخار والاستثمار في أوقات التقلبات الاقتصادية، عشان كده متوقع ارتفاع جديد في الأسعار مع منتصف ونهاية 2025.