صرح لاعب نادي الأهلي أشرف بن شرقي بعدد من التصريحات الجريئة خلال حلوله ضيف على برنامج رامز إيلون مصر والذي يقدمه الفنان رامز جلال على شاشة قنوات mbc مصر ومنصة شاهد الالكترونية، جعلته في صدارة مواقع التواصل الاجتماعي المختلفة.
تصريحات أشرف بن شرقي في برنامج رامز إيلون مصر
وقال أشرف بن شرقي خلال لقاءه مع رامز جلال ببرنامج المقالب رامز إيلون مصر، بتصريحات رصدها موقع تحيا مصر: هختم حياتي الكروية في النادي الأهلي ان شاءالله وهفضل فيه طول العمر، أنا سيبت الفلوس وروحت للنادي الاهلي أنا بحبه ده نادي كبير.
وتابع أشرف بن شرقي في تصريحاته أيضا: إمام عاشور أحرف لاعب بعدي ودونجا صحبي جدا وهو اللي كلمني اجي نادي الزمالك من سنة.
أشرف بن شرقي في برنامج رامز إيلون مصر
وكان قد سخر رامز جلال من أشرف بن شرقي خلال تقديمه الحلقه، قائلا: ضيفنا النهارده أنا جيبته قبل كده بيلعب فى الفريق المنافس وقولناله ايه اللي خلاك تعمل كده؟ في حد يسيب نادي البطولات ويلعب فى نادي كده وكده.. اتضحك عليه واتلعب بيه وعملوا معاه حركات مش قد كده وغضب وقرر يسافر وقالهم أنا ماينفعنيش كده.
وتابع رامز جلال حديثه: لعب في كام نادي لحد ما بيبو خد باله فزغللوا عينه بالفلوس وقال أيوة أنا بحب كدة، بعون الله هيجبلنا بطولات قد كدة، وشه منحوت نحتة واي بنطلون رجل الزمارة اللي لابه ده.
ضيوف الرياضة في برنامج رامز إيلون مصر
وجدير بالذكر، أنه حل لاعب نادي الزمالك دونجا ضيف على الحلقة 12 من برنامج رامز إيلون مصر، وخلال مقدمة الحلقة سخر الفنان رامز جلال من دونجا، قائلا: لعيب كورة بس اونطجي مينفعش يكون رياضي ده عيل سرسجي بيبين فخاده وهو نازل الملعب وتحسه نازل زريبة، لو خد انزار بيولعها نار ولو عايز تزود عقدك مش هيكون بالطريقة دي اتعلم من زيزو"، وقال ساخرا: "رامز جلال عن دونجا: أيقونة القلعة البيضاء ابو سنجة وماشي بطبنجة دقنه دقن عربجية والشنب شنب محاسب.
وكانت حلقة إمام عاشور في برنامج رامز إيلون مصر مليئة بالاحداث والمفاجآت التي جعلت الحلقة في صدارة التريند وحديث مواقع التواصل الاجتماعي المختلفة، حيث صرح بها بالعديد من التصريحات من بينها: "انا كدة كدة عمري ما هسيب الأهلي مهما حصل"، "في واحدة قالت إنها على علاقة بيا بس والله دي كانت مريضة وانا كنت بساعدها"، “بحس أوقات كتير إن نبيل عماد دونجا بيستقصدني، وبيعمل حاجات كتير مستفزة في الملعب”.
0 تعليق