الدولة حاليا عملت مفاجأة للفئات من محدودي ومتوسطي الدخل والمفاجأة دي هتكون بعد انتهاء إجازة عيد الفطر المبارك، ياتري اية هيا المفاجأة دي وازي المواطنين يقدروا يستفادوا منها.

الدولة علي مدار الشهور اللي فاتت وفي عز الأزمات الاقتصادية اللي بتعاني منها علي مدار الشهور ولكنها بثبت في كل مرة أنها في صف المواطن المصري خصوصا الفئات من محدودي ومتوسطي الدخل، وده اللي هتكرره الدولة لي الايام اللي جاي وهتعلن عن مفاجأة هتسعد نسبة كبيرة جدا من المواطنين خصوصا الناس البسيطة.

طيب اية هيا المفاجأة اللي الناس كلها منتظرها ؟.

طبعا كلنا شايفين الازمة العقارية اللي موجودة في مصر واللي السبب فيها هيا الفقاعة العقارية اللي بيعاني منها سوق العقارات في مصر واللي هيا سببها ارتفاع اسعار المعروض بارقام اعلي بكتير من سعره الحقيقي خصوصا أن أقل شقة حاليا في أي منطقة شعبية سعرها حاليا بيتعدي المليون جنية وطبعا اغلب الشعب المصري مش معاه الرقم ده خصوصاً فئة الشباب اللي هما لسه طالعين للدنيا وعايزين يبدوا حياتهم ويكونوا نفسهم ويفتحوا بيوت ويأسسوا مستقبل ليهم في الايام اللي جاية.

الازمة العقارية اللي مصر بتعاني منها واللي عملت ركود في حركة بيع وشراء العقارات في مصر، الدولة خلتها بطرح برامج متنوعه من شقق الاسكان الاجتماعي للفئات المتوسطة والمحدودة الدخل، وفي الأيام اللي فات الدولة طرحت أكثر من 79 الف شقة سكنية ضمن المبادرة الرئاسية سكن لكل المصريين واللي قدم عليها فعلي أكثر من 500 الف مواطن ودول اللي دفع مبالغ جدية الحجز واللي وصلت ل 20 الف جنية للشقق الموجودة في المحافظات و 30 الف جنية للشقق السكنية الموجودة في المدن الجديدة، وكمان رفعوا الأوراق المطلوبة منهم علي موقع صندوق الاسكان الاجتماعي ودعم التطوير العقاري .

الدفعة الأولية لشقق الاسكان الاجتماعي اللي الدولة أعلنت عنها والإقبال الكبير اللي حصل من الناس واللي كان عبارة عن طوابير طويلة من المواطنين قدام مكاتب البريد لشراء كراسات الشروط، فتحت شهية الدولة للإعلان عن دفعات جديدة من شقق الاسكان الاجتماعي للفئات من محدودي ومتوسطي الدخل، وده فعلا اللي حصل. القيادة السياسية وجهت الحكومة بالبدء في طرح جديدة للشقق للفئات المستهدفة.

الحكومة اخذت تكليفات القيادة السياسية وبدأت تطبيقها علي طول علي الأرض، وفعلا مجالس الوزراء أعلن أن وزارة الإسكان والمرافق العمرانية بتستعد لطرح أكبر طرح لها علي الاطلاق لشقق الإسكان الاجتماعي واللي هيوصل ل 400 الف شقة سكنية هتكون موجودة في أغلب محافظات الجمهورية، علشان تلبي كل احتياجات المواطنين في كل أنحاء المحافظات.

اما بقي الناس اللي بتسأل علي الشروط الجديدة اللي حددتها الدولة للتقديم في الطرح الجديد فيها مش هتخلف كتير عن الطرح اللي فات ولكن الاختلاف هيكون في نسبة مقدم جدية الحجز واسعار الشقق في المشروع ولكن كل الشروط التانية هتكون نفسها نفس شروط اعلان سكن لكل المصريين 5.