هي إيه قصة عشرات الطلبات اللي استقبلتها الحكومة قريب من شركات عالمية عايزة تقتحم السوق المصري وتضخ استثماراتها فيه، وإيه هي المجالات اللي مطلوبة من الشركات دي، وهل الحكومة بتت في الطلبات ولا لسه، وإيه هو أحدث مشروع استثماري وعوائده الاقتصادية لمصر؟ 

في الحقيقة، الحكومة المصرية استقبلت فعلا في الفترة الأخيرة طلبات كتيرة من مستثمرين عرب وأجانب عشان يشتغلوا في مصر، وفي مجالات كتيرة زي تكنولوجيا المعلومات ومجالات الصناعة وغيرها.

وكان أحدث الطلبات دي، من شركة اسمها شركة هندية اسمها TCI Sanmar للكيماويات، واللي قابلها المهندس حسن الخطيب، وزير الاستثمار والتجارة الخارجية، وببحث سبل تعزيز استثمارات الشركة الهندية في مصر.

ومن هنا، أكد الوزير حرص الحكومة المصرية على دعم الاستثمارات الأجنبية وتوفير بيئة أعمال جاذبة، وكمان الدولة دلوقتي بتعمل على تذليل العقبات اللي بتواجه المستثمرين وبتعزز الفرص الاستثمارية في مختلف القطاعات، ولا سيما قطاع الكيماويات.

برضو، الحكومة المصرية رحبت بخطط شركة TCI Sanmar لزيادة استثماراتها في مصر، لأن التوسعات بتاعتها هتساهم في تعزيز التصنيع المحلي وتوفير فرص عمل جديدة، وده هينعكس إيجابًا على الاقتصاد الوطني.

وبلغة الأرقام، فالشركة الهندية ناوية تضخ 300 مليون دولار إضافية في استثماراتها في مصر خلال المرحلة الجاية، عاشت يوصل إجمالي استثماراتها لحوالي 2 مليار دولار.

ونقدر نقول إن الشركة دي ملتزمة بتعزيز استثماراتها في مصر، عشان كده بتسعى لإنشاء مرافق تخزين بارد لدعم قدرات التخزين وتحسين سلسلة التوريد، وهيتم مناقشة هذا المشروع مع الجهات المختصة في مصر خلال الفترة الجاية.

كمان، أن الشركة دي مهتمة جدا بالسوق المصري لأنه مركز استراتيجيً لصناعاتها في منطقة الشرق الأوسط وشمال إفريقيا.

ومن ضمن المكاسب الاقتصادية للنوع ده من الاستثمار، أن الشركة هتقدر توفر حوالي 3000 فرصة عمل في مصر بشكل مباشر وغير مباشر، وهتوفر منتجاتها للسوق المحلي والتصدير لأسواق دول جنوب أوروبا وآسيا والشرق الأوسط وشمال إفريقيا.

أما الخطط المستقبلية للشركة في مصر، فبتشمل إنشاء محطة بحرية لاستيراد مادة الإيثيلين، واللي هتساهم في تأمين إمدادات المواد الخام اللازمة لصناعة البولي فينيل كلوريد (PVC)، إحدى المنتجات الأساسية للشركة، كمان الشركة بتعمل على زيادة الطاقة الإنتاجية لمصانعها في بورسعيد، عشان تقدر تواكب الطلب المتزايد على منتجاتها في الأسواق المحلية والدولية.

ومن هنا، نقدر نقول إن الحكومة المصرية حريصة على دعم الاستثمارات الأجنبية، وبتوفر بيئة أعمال جاذبة، كمان أن بتذلل العقبات اللي بتواجه المستثمرين عشان تعزز الفرص الاستثمارية في مختلف القطاعات، خاصة قطاع الكيماويات.

ضيف على ده، إن الحكومة المصرية بترحب بخطط شركة TCI Sanmar لزيادة استثماراتها في مصر، لأن التوسعات دي هتساهم في تعزيز التصنيع المحلي وهتوفر فرص عمل جديدة، وده بينعكس إيجابًا على الاقتصاد الوطني.