أعلن المخرج محمد سامي في الساعات الماضية اعتزاله الدراما التليفزيونية بشكل نهائي، بعد رحلة درامية استمر ما يقرب 15 سنة، مشيرا إلى أن آخر أعماله الفنية هي سيد الناس وإش إش الذي حققوا نجاحات كبيرة خلال فترة عرضهم على شاشة التلفزيون ضمن هذا السباق الدرامي الرمضاني.
محمد سامي يعلن اعتزال الدراما التليفزيونية
وكتب محمد سامي في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك: وداعا الدراما التلفزيونية.. السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور.
وتابع محمد سامي حديثه: يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي.
محمد سامي: هسافر خارج مصر لسنتين عشان اتعلم حاجات جديدة
واختتم محمد سامي حديثه: بشكر كل حد ساعدني في الرحلة و بشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا، أدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد مالقيت نفسي بكبر و خايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة.
محمد سامي في مسلسلات رمضان 2025
يذكر، أنه يعرض للمخرج محمد سامي في الفترة الحالية مسلسل سيد الناس والذي يخوض بطولته الفنان عمرو سعد إلى جانب نخبة من نجوم الفن منهم الفنانة منة فضالي والهام شاهين، وأحمد فهيم وأحمد رزق وتيخا ونجوم اخرين، كما يعرض له أيضا مسلسل إش إش والذي تخوض بطولتها الفنانة مي عمر بجانب إيهاب فهمي وماجد.المصري، وهالة صدقي، ونخبة آخرين، ويعرضان على شاشة قنوات mbc مصر ومنصة شاهد الالكترونية.
0 تعليق