قال المخرج مجدي الهواري، إن الفنان أحمد الفيشاوي في مرحلة سنية من المؤكد سينضج بعدها ويقدم الجديد في عمله، مؤكدا أن احمد الفيشاوي ممثل موهوب وممكن يكون تعرض لإصابات نفسية سببت له ما يحدث.

احمد الفيشاوي هيفوق لنفسه وموهبته وينضج ويظهر

وأوضح مجدي الهواري، خلال لقاءه ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أن الإصابات النفسية من الممكن تتحول لتروما أو صدمة، قائلا: "ممكن أحمد يكون حصل لو أكثر من إصابة وصلته للمرحلة دي ومش معنى ده أنه هيكمل كده وهيجي عليه وقت يفوق لنفسه وموهبته وينضج ويظهر"

وأشار مجدي الهواري، إلى أن هناك الكثير من الممثلين مروا بما حدث لأحمد الفيشاوي ثم يظهر بشكل مختلف ويبهر الجمهور، لافتا إلى أن هذه المهنة تقوم على مؤلف ومخرج وبعدها فريق الكاستينج، متابعا: "لازم يطلع سكربيت أو معالجة درامية بتقول هنقدم ايه والدور ينادي صاحبه وأنا من المدرسة دي".

مجدي الهواري يكشف سر ابتعاد رامز جلال عن السينما ورأيه في أفضل أفلام محمد سعد

علق المخرج مجدي الهواري، على عدم وجود رامز جلال في السينما خلال الفترة الأخيرة، قائلا: "رامز جلال ممكن يكون مش مركز في السينما بسبب الوقت وهو بيحضر جامد أوي لبرنامجه وهو ممكن يكون مُقل في اعماله السينمائية برغم أنه قدم حاجات كتير".

وأوضح مجدي الهواري، خلال لقاءه ببرنامج حبر سري، مع الاعلامية اسما ابراهيم، المذاع على قناة القاهرة والناس، أن سبب اختفاء رامز جلال قد يكون بسبب تجهيزه للعودة بشكل مختلف أو تقديم نوع ثاني من السينما أو موضوع آخر بشكل مختلف عن الأفلام السابقة له، مضيفا: "ممكن تكون الوقفة قبل تقديم حاجة مختلفة".

محمد سعد بعد كل الشخصيات اللي عملها رجع بالدشاش

واستكمل: "معنديش معلومة عن رامز جلال لكن لو قدم فيلم سينما النهاردة مش هتكون زي اللي اتقدمت قبل كده ومعتقدش النوع ده من الافلام القائمة على الموقف الكوميدي اللحظي هيقدم موضوع جديد زي مثلا محمد سعد بعد كل الشخصيات اللي عملها رجع بالدشاش وبشكل مختلف"، مؤكدا أن أهم فيلم قدمه محمد سعد هو فيلم اللى بالي بالك وكان كامل متكامل.