إيه اللي ممكن يحصل لما مصر تقرر تبني مدينة صناعية عملاقة في قلب الصعيد؟ .. تخيّل مدينة على مساحة 5.5 مليون متر مربع بتطلّع ملابس جاهزة ومنسوجات بجودة عالمية .. إيه رأيك لو قلتلك إن استثماراتها هتوصل لـ2 مليار دولار في السنة الأولى بس؟ .. وأكتر من كده .. والأكتر من كده 10 شركات صينية وتركية كبار بيجهّزوا حاليًا عشان يدخلوا المشروع ده .. فياترى إيه اللي بيحصل في مصر دلوقتي؟ .. وإزاي الصعيد بقى فجأة مركز اهتمام الدولة؟

مصر قررت تطلق مدينة صناعية ضخمة في محافظة المنيا .. مش أي مدينة .. دي مدينة متخصصة في الملابس الجاهزة والمنسوجات.. يعني هتبقى عاصمة صناعة اللبس في الصعيد .. المشروع ده مش فكرة عادية .. ده حلم كبير بيترجم للواقع .. مساحة 5.5 مليون متر مربع .. واستثمارات أولية 2 مليار دولار في السنة الأولى .. والحكومة مش بتلعب .. رئيس الوزراء بنفسه وجّه بتوصيل المرافق للأرض فورًا عشان المشروع ينطلق بسرعة الصاروخ.

طيب مين اللي هيستثمر في المشروع العملاق ده؟

فيه أكتر من 10 شركات صينية وتركية كبار حاطين عينهم على المشروع .. الشركات دي مش جديدة على السوق .. دول ناس عندهم خبرة عالمية في الملابس الجاهزة والمنسوجات .. وبيقولوا إنهم عايزين يبدأوا الاستثمار في مصر السنة دي .. يعني مش كلام في الهوا .. دي خطط جدية وطلبات استثمارية وصلت بالفعل .. والحكومة شايفة إن الفرصة دي من دهب .. عشان كده بتدعم المشروع بكل قوتها.

ليه المشروع ده مهم أوي كده؟

أول حاجة .. الاقتصاد .. 2 مليار دولار استثمارات في سنة واحدة يعني تدفق دولارات كبير جدًا لمصر .. وده بيساعد على استقرار السوق وتقوية الجنيه .. ثاني حاجة .. الصادرات .. المشروع ده متوقع يرفع صادرات الملابس الجاهزة المصرية لمستويات قياسية .. فيه خطة طموحة إن الصادرات توصل من 11 لـ12 مليار دولار في 6 سنين .. يعني هتبقى نقلة كبيرة جدًا لسوق التصدير المصري .. ومش بس كده .. المشروع هيخلّصنا من استيراد حاجات كتير ويخلينا نصنّع ونصدّر بإيدينا.

وإيه اللي هيستفيد منه الناس العادية؟

فرص العمل .. المشروع ده متوقع يوفر 800 ألف فرصة عمل جديدة لأبناء الصعيد .. 800 ألف يعني أكتر من نص مليون شغلانة .. تخيّل عدد الأسر اللي هتعيش وتستقر بسبب الفرص دي .. من الشباب اللي لسه بيدور على شغل للعائلات اللي محتاجة دخل ثابت .. المشروع ده هيغيّر حياة ناس كتير جدًا .. ومش بس في المنيا .. ده هيأثر على المحافظات اللي حواليها كمان .. يعني نقلة اقتصادية واجتماعية حقيقية.

حد ممكمن يسأل ويقول ..ليه المنيا بالذات؟

المنيا موقعها استراتيجي في قلب الصعيد .. وفيها مساحات شاسعة جاهزة للاستثمار .. زي قطعة الأرض اللي جنب منطقة المطاهرة الصناعية .. دي منطقة فيها أكتر من 700 مصنع شغالين بالفعل .. يعني البنية التحتية موجودة وجاهزة .. والحكومة شايفة إن المنيا ممكن تبقى مركز صناعي كبير .. خصوصًا إن فيه شركات صينية كانت عايزة من زمان تبني منطقة صناعية هناك .. فالمكان مش جديد على الاستثمار .. ده أصلًا بيتمدد ويكبر.

نيجي لسؤال مهم جدا.. ليه الدولة مهتمة بالصعيد دلوقتي أوي كده؟

الصعيد كان دايمًا في قلب خطط التنمية .. بس السنين اللي فاتت الاهتمام زاد بشكل ملحوظ .. ليه؟ .. عشان الدولة عايزة توازن التنمية بين القاهرة والمحافظات .. زمان كان كل حاجة مركزة في العاصمة والمدن الكبيرة .. دلوقتي بقى فيه رؤية إن الصعيد لازم يكون شريك أساسي في الاقتصاد .. ومش بس كده .. الصعيد فيه شباب وطاقات كبيرة محتاجة فرص حقيقية .. والدولة عارفة إن الاستثمار في الصعيد هيحل مشاكل كتير زي البطالة والهجرة للمدن الكبيرة.

والحكومة مش بتتكلم بس .. بتعمل .. رئيس الوزراء بنفسه بيتابع المشروع ده يوم بيوم .. وفيه تعليمات واضحة إن المرافق تتصل بسرعة عشان المستثمرين يبدأوا شغل فورًا .. ده غير إن فيه دعم كبير للشركات الصينية والتركية اللي عايزة تدخل .. يعني الدولة شايفة إن المشروع ده مش مجرد مدينة صناعية .. ده استثمار في المستقبل .. استثمار في الناس وفي الاقتصاد وفي مكانة مصر عالميا.