السبت، 29 مارس 2025 02:58 م 3/29/2025 2:58:12 PM

طالب الدكتور خالد عبدالغفار، نائب رئيس مجلس الوزراء ووزير الصحة والسكان، عددًا من مرضى الغسيل الكلوي في مستشفى العدوة بمحافظة المنيا بتوجيه الشكر للحكومة على الخدمات الطبية المقدمة، معتبرًا أنها "لم تحدث في أي محافظة أخرى".

رد على شكاوى المرضى

جاءت تصريحات الوزير ردًا على شكوى أحد المرضى من الانتظار لفترات طويلة قبل الخضوع لجلسات الغسيل الكلوي، بالإضافة إلى سوء معاملة الأمن داخل المستشفى.

وكان عدد من المرضى المنتظرين أمام غرفة الغسيل الكلوي بالمستشفي استوقفوا الوزير وعرض أحدهم مشكلتهم قائلًا:« نفسنا بس ميتعاملوش معنا على اننا تلاميذ ابتدائي»، فرد الوزير: «لأ انت في ثانوي بس ايه اللى مزعلك؟» فتابع المريض شكواه قائلًا: «الأمن بيتعامل معانا وحش وبيمنعنا نشرب أو ناخد أى حاجة وبنتأخر قبل موعد الغسيل وبنوقف هنا بالساعات».

فرد الوزير قائلًا :«لا هنا المكان جديد وله نظام جديد ولازم نلتزم به علشان مصلحتكم أولا وعلشان نحافظ عليه، بس أنا مستغرب منكم يعنى الدولة عملت لكم المكان الجميل ده، على حساب الدولة، واللى مافيش زيه في أي محافظة ثانية، ومسمعتش حد قال شكرًا للدولة على مجهودها ده».

وأضاف:«يعني لو حد في أهل بيتك كل مايشوفك يقولك مشكلة ففي الأول يا أخى قول متشكرين على المبني الجميل والأجهزة الجديدة اللى جبتوها لنا بس عندنا بعض الطلبات» .
وتابع: «الصعايدة مش بيفوتهم الأصول دى احنا هنا جايين نعمل حاجة مش موجودة في أى محافظة في مصر».

ووجه أحد المرضي بالأقسام الداخلية في مستشفي العدوة شكوى أخرى للوزير قائلا: «مش بيبقي موجود في القسم غير 2 تمريض ولا يكفي خدمة المرضي وممكن ننتظر بالساعات للحصول على الخدمة الطبية »وأشار المريض إلى تواجد عدد كبير من الأطباء والتمريض خلال زيارة الوزير وقال: « أول مرة نشوف المنظر ده علشان حضرتك موجود»، فرد عليه الوزير: «يعنى علشان في زيارة جابوا الناس دى كلها دى ملاحظة مهمة وهنشوفها حاضر»