هو يعني ايه استعلام ائتماني وايه فايدته؟ ببساطة ..الاستعلام الائتماني هو تقرير بيظهر للبنك أو الجهة اللي هتتقدم ليها قرض أو بطاقة ائتمانية عن تاريخك الائتماني.. يعني لو كان ليك تاريخ في سداد القروض أو البطاقات بشكل منتظم.. ده هيكون ليه تأثير إيجابي عليك.

لو مكنتش ملتزم أو تأخرت في الدفع..  ده ممكن يأثر عليك بشكل سلبي.

الاستعلام ده بيشمل تفاصيل عن القروض السابقة.. المديونيات وسجل السداد.. وبالتالي البنك بيقدر يعرف إذا كنت تستاهل الحصول على قرض جديد أو بطاقة ائتمانية أو لا. . وده ليه دور كبير في تحديد قدرتك على الحصول على تمويل بشروط مريحة.