الحكومة مجهزة مفاجاة حلوة للناس خلال شهر من الأن، والمفاجاة هتم ناس كتيرة خصوصا الناس المحدودة والمتوسطة الدخل.. ياتري اية هيا المفاجاة دي.. وليه هتكون مهمة للناس كتيرة من الشعب المصري.
في اكثر من مناسبة الحكومة اكدت بالدليل انها في صف المواطن البسيط واللي رزقه علي قده، وده ظهر في اكثر من مرة وفي عز الظروف الاقتصادية الصعبة اللي بتمر بيها البلد من خلال زيادة مرتبات وتاجيل زيادات كانت مقررة في الاسعار سواء كان بنزين أو سولار أو شرائح كهرباء وغيرها كتير من الحاجات اللي بتقدمها الحكومة للناس.
لكن الجديد بقي، أن الحكومة بدأت تنزل علي الارض وتحاول تحل المشاكل اللي بتقابلهم، والمرة دي الحكومة اخذت قرار بحل أزمة الإسكان في مصر خصوصا زي ما انا عارفين ان سوق العقارات في مصر بيعاني من فقاعة عقارية كبيرة ودي معناها ان الشقق والعمارات المعروضة للبيع بيكون السعر اللي معروضه بيه اكثر من سعرها الحقيقي بكتير.
الفقاعة العقارية واللي السوق المصري بيعاني منها من زمان كان سبب الاقبال الكبير اللي شهده سوق العقارات في مصر، واللي بسببه الناس اصحاب العقارات سواء كانت شقق او اراضي أو عقارات بقوا بيعيو الحاجة باكثر من ضعف تمنها وده بسبب انه عارف أنه في اقبال كبير علي الشراء، وانه لو مبعاش النهاردة بكرة هبيع بسعر اعلي وانه كده كده كسبان.
وعلشان الحكومة تحل الأزمة دي طرحت اكثر من مبادرة لتوفير السكن البديل للمصريين، والطرح ده بيكون عبارة عن سكن راقي ومتميز بيتمثل في شقق سكن ودار وجنة مصر ، واسكان اجتماعي خاص بالفئات المحدودة والمتوسطة الدخل، واخيرا الاراضي اللي الدولة بتطرحها من وقت للتاني للناس.
طيب ايه هيا المفاجأة الكبيرة اللي بتجهزها الحكومة للمواطنين؟
طبعا كلنا شوفنا الاقبال الجماهيري اللي حصل من المواطنين علي شقق سكن لكل المصريين 5 واللي كان مطروح خلال الفترة اللي فاتت واللي وصل عدد الناس اللي اشتروا كراسات الشروط لأكثر من 700 الف مواطن، ودفع منهم اكثر من نصف مليون مواطن مبالغ جدية الحجز واللي وصلت لـ30 الف جنية في المدن و 20 ألف جنيه للمحافظات وكمان سجلوا علي موقع صندوق الإسكان الاجتماعي ورفعوا الاوراق الخاصة بيهم، وكمان اعلنت نتيجة الفرز ووصل عدد المواطنين اللي فازروا لأكثر من 290 الف مواطن.
دلوقتي الحكومة بتجهز لطرح جديد هيبدأ مع بداية شهر يونيو اللي جاي، والحكومة أكدت انه شروطه هتكون هيا هيا الشروط اللي كانت في طرح سكن لكل المصريين 5.
0 تعليق