دافعت الفنانة دنيا سامي عن الفنان مصطفى غريب بعد أن تعرض لهجوم شرس بسبب تنمره على دنيا وشكلها بحسب تصريحاتها في برنامج صاحبة السعادة.

دنيا سامي تدافع عن مصطفى غريب

وكتبت دنيا سامي في منشور عبر حسابها الشخصي على موقع التواصل الاجتماعي فيسبوك رصده موقع تحيا مصر: بالنسبة للبوستات المنتشرة اللي مشيرة لحلقاتي مع الأستاذة إسعاد يونس، واللي أنا بقول فيها إن مصطفى غريب بيتريق عليا وبيقول عليا وحشة، وده طبعًا جاب لمصطفى الكلام والشتيمة.

وتابعت: أولًا: شكرًا على دفاعكم عني، بس أنا أصلًا مش زعلانة من حاجة، وأنا ومصطفى صحاب ودفعة واحدة، وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر.. مصطفى غريب ده أقرب وأجدع وأطيب بني آدم في حياتي وحياة كل صحابه، ولو قعدت أتكلم عليه من هنا لـ١٠٠ سنة مش هيكفي والله قد إيه هو ضهري في الحياة.

دنيا سامي: محدش في الدنيا يشتم مصطفى غريب غيري

واضافت دنيا سامي: واللي أنا قولته في البرنامج عن اللي مصطفى بيقوله عليا، ده هزار بين أي صحاب في أي شلة، وأنا الحمد لله معنديش عُقَد، ومش حتى عندي عُقَد، ومش عارفة ومش عندي عُقَد هتظهر بعد كده، هو بجد مفيش حاجة، وأصلًا لو كملتوا باقي الحلقة مع الأستاذة إسعاد، هتعرفوا إننا مسكناه تريقة وتقطيع أكتر من اللي هو بيهزر فيه معايا بكتير، ولو سمحتوا، محدش في الدنيا يشتم مصطفى غريب غيري.

دنيا سامي ومصطفى غريب

وسبق وأن كشفت الفنانة دنيا سامي عن تعرضها للتنمر من الفنان مصطفى غريب، وذلك خلال لقاء لها ببرنامج صاحبة السعادة، المذاع عبر شاشة تلفزيون قناة دي إم سي.

وقالت دنيا سامي في منشورها الذي يرصده موقع تحيا مصر:أنا أصلاً وأنا صغيرة كنت وحشة جداً.. أنا شعري كان خشن وأختي شعرها ناعم وقمورة وبيضة وأنا سمرا وشعري خشن وبوقي كبير والله العظيم وأنا صغيرة لما كانت تجي تضايقني أختي تقولي يلا يا أم بوق كبير كده يعني هههه بعدين أكتشفت أن دي مميزات دلوقتي بيعملوها.