من كام يوم الحكومة أعلنت عن مبادرة رئاسية جديدة اسمها “بداية لبناء الانسان” ودي مبادرة بيرعاها الرئيس السيسي بنفسه وهدفها بناء الانسان المصري من مرحلة الطفولة مرورا بمرحلة الشباب وصولا الى مراحل سنة متقدمة.. المبادرة بتركز بشكل أساسي على توفير حياة كريمة لكل مصري بداية من المدرسة والمستشفى والأندية ومراكز الشباب وقصور الثقافة والمسجد والكنيسة .. ومش هتسيب مكان فى مصر الا وهتوصلوا .. فى القرى والنجوع .. فى المدن وعواصم المحافظات

المباردة بيشارك فيها وزارات كتيرة زي الصحة والتعليم والثقافة والشباب والرياضة والتضامن والأوقاف وبتحظى برعاية واهتمام من الأزهر والكنيسة وكل أجهزة الدولة تقريبا هيكون ليه دور وجهد فى المبادرة اللى هتستمر لفترة طويلة لغاية ما تحقق أهدافها .. والمبادرة بيشارك فيها كمان البنك المركزي وعدد كبير من البنوك المصرية من خلال برامج تمويل تلبي احتياجات قطاعات كبيرة من المصريين