موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.
القمر موجود معانا النهاردة الأحد 24 نوفمبر 2024 في برج العذراء الترابي ويدعم الأبراج الترابية العذراء والثور والجدي.

توقعات الأبراج وحظك اليوم 

تفاصيل توقعات الأبراج وحظك اليوم من موقع تحيا مصر:

برج الحمل
النهاردة يوم للشغل والمسؤوليات والألتزامات الكتير وممكن مواضيع بتخص الدراسة الجامعة في النهاردة تغيير جديد عليك بس حاول تنظم وترتب يومك وأولوياتك على قد ما تقدر لأنه يوم طويل ومرهق ومحتاج الناس القريبين منك تفهمك وتقدرك..
 

برج الثور 
النهاردة يوم حلو وداعم جدا قادر على الإبداع وممكن تنبسط بسبب رجوع أشخاص غالية على قلبك لحياتك من تاني.. وفي حظوظ ممكن تخص ابنك او طفل صغير في البيت.. يوم عاطفي ولازم تبدأ تستقر عائلياً ..

برج الجوزاء
النهاردة أنت مش طايق نفسك حاسس إنك متضايق ومتعصب في تغيير مكان او شغل او في مشكلة وما فيش حد مستوعب أو قادر يفهمك.. بلاش تتسرع في أي مشكلة وخليك رايق وهادي على قد ما تقدر..

برج السرطان
النهاردة في تحسن كبير بكل علاقاتك ممكن عمل جديد إعلامي أو على السوشيال ميديا أو مواضيع الدراسة والجامعة شغلاك .. أنت مقنع وعندك قدرة على الجذب والتأثير في الأخرين بكل سهولة وفي تواصل بيسعدك سواء على المستوى المهني أو الشخصي..

برج الاسد
النهارده يومك مالي في دفع أو قبض وفي عزومات ولمه ناس حواليك في مشروع شغل شاغلك أو فلوس حوالة مالية بتجيلك.. وعاوز النهاردة تدلع نفسك وتأكل وتنام وبس وكمان في حب و أجواء عاطفية لطيفة..

برج العذراء
النهارده القمر عندك في شغل جديد او منصب او ترقية.. في تحسن كبير في حياتك ممكن سفر للبعض... او شراء او بيع عقار.. وفي زيارات ولقاءات بأشخاص غالية على قلبك.. وممكن للسنجل يبقى في علاقات جديدة هتظهر في حياتك الفترة الجاية..

برج الميزان 
النهارده مزاجك مش في احسن حال.. حاسس بملل زهق تعب ممكن سوء فهم.. او عطل في موبايل او سيارة او أي حاجة إلكترونية .. وللبعض في شغل إعلامي جديد عليه.. حاسس إنك متضايق ومحتاج حد يفهمك بس من بكره القمر هيدخل لبرج الميزان وأحوالك هتتحسن بالتدريج..

برج العقرب
النهاردة عندك أمور بتخص المال بيساعدك فيها بعض الأصدقاء المقربين..  وفي عزومات وبتقدر تستفيد من كل إللي حواليك..  وفي للبعض تحقيق أمنية وتحضير لمناسبة ويوم للحب والأجواء العاطفية..

برج القوس 
النهاردة من الأيام الحلوة والداعمة ليك .. بتبدأ شغل مستقل مشروع جديد او منصب او ترقية .. وبتقابل ناس مهمة والأضواء والعيون كلها عليك.. للبعض إمتحان او إختبار وعندك حضور وكاريزما عالية والمعجبين حواليك كتير..

برج الجدي 
النهاردة المفروض يبقى يوم حلو وداعم ليك البعض منكم عنده سفر.. معارف جديدة او حوالة مالية وفلوس بتجيلك.. بتحاول تاخد نفسك.. النهاردة في تغيير بشكلك ومظهرك وعندك علاقات وتواصل حواليك بيدعمك..

برج الدلو 
 النهاردة بتحاول تحل مشاكلك إلي بتخص مال مشترك أوراق قانونية .. حاول تنهي المواضيع المتراكمة وتصالح وترجع تتقرب من أشخاص غالية على قلبك..  وللبعض في فلوس أو شفاء من مرض كان تاعبك الفترة إللي فاتت.. وفي أجواء رومانسية وتحسن كبير في العاطفة..

برج الحوت 
النهارده يوم للشراكات ممكن يبقى في إمضاء على عقود او شغل جديد بس حاول تكون هادي ورايق مع المسؤولين او الاكبر منك سنا.. وبلاش تخالف القوانين .. حاسس بتعب وتوتر ومحتاج حد يفهمك ويستوعبك روق هو يوم وهيعدي يا حوت.