تعرض المطرب رامي صبري لهجوم حاد من مغني الراب ويجز، على إثر التصريحات التي أدلى بها يوم الجمعة الماضية، خلال حلوله ضيفًا في برنامج "حبر سري"، التي تقدمه الإعلامية أسما إبراهيم.
وقالت شيرين عادل زوجة رامي صبري، في تصريحات خاصة لـ "الجمهور"، إن رامي صبري، لا يحب الرد دائمًا على أي هجوم يتعرض له، موضحة: "بيقولي خليني أركز في الشغل وبس".
لا نية لتقديم بلاغ للجهات المختصة
وتابعت شيرين عادل، أنها اكتفت بردها عبر حسابها الشخصي على "إنستجرام"، لتوضيح الأمور، وليس في نيتها تقديم بلاغ للجهات المختصة، مشيرة إلى أن ردها كان كافيًا".
وكانت شيرين عادل قد ردت على الهجوم الذي تعرض له رامي صبري، مؤخرًا عبر حسابها الشخصي على موقع تبادل الصور والفيديوهات الشهير "إنستجرام".
وكتبت شيرين عادل، قائلة :"ده جزء من الحلقة اللى رامى اتكلم فيها عن الراب، ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني".
وتابعت شيرين عادل قائلة :"أولًا رامي اتسأل سؤال في برنامج ورد وعنده كل الصلاحية لأى رد أو إجابة على أي سؤال، يعني مفيش أي مانع يخلي رامي لما يتسأل سؤال ميجاوبش، وثانيًا رامي صبري ده يا حضرت فنان من أهم الفنانين في الوطن العربي ومن أهم الأصوات ده لو حضرتك مش معانا في مجال المزيكا وبعدين والله يا ريت رامي عنده الوقت بتاع حضرتك الفاضي أوى بتاع 5 شهور فاضي يا ريت كنا نتمنى".
وأضافت شيرين عادل قائلة :"أما بقى موضوع رامي رقم كام ده، هو الحقيقة مش شاغل بال رامى أوي، بس لو حضرتك شايف إن رامي رقم ١٩ مع الأسف الشديد لازم أقول لحضرتك تبقى أنت مش موجود على الخريطة من الأساس".
وأردفت شيرين عادل قائلة :"أغنية واحدة من رامى صبرى، واحدة بس تعمل تاريخ لناس، محتاج تذاكر كويس وتعرف أنت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام ده، علشان الناس متضحكش عليك لأنك اتكلمت عن فنان بجد مش جاى يهزر".
واختتمت شيرين عادل، قائلة :"أخيرًا لما تحب تعمل دعاية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك".
0 تعليق