هو إيه اللي بيحصل في شرق العوينات وتوشكي وإزاي السيسي بيني مصر جديدة هناك وإزاي المشروعات الجديدة في المنطقة هتغير شكل الاقتصاد المصري.. كل دا هنعرفه في الفيديو دا خليكم معانا للأخر وهتعرفوا التفاصيل.
 

فاكرين كلنا إزاي الرئيس السيسي أعاد مشروع توشكى للحياة من تاني بعد ماوقف على وصلة بسيطة لترعة في قلب الصحرا وقدر يوصل الميه لألاف الافدنة هناك ويفتح الطريق للتوسع الزراعي والتصنيع القايم على المنتجات الزراعية .

مشروع توشكى دحلت فيه استثمارات جديدة وضخمة وكفاية نعرف إن الدولة بتستهدف زراعة 1.1 مليون فدان جديد من خلال مشروع توشكى و شرق العوينات.

وهنا هوقف شوية أمام مشروعات شرق العوينات عشان بقينا نسمع كتير عن اسم شرق العوينات في الفترة الأخيرة وعشان تعرف شرق العوينات دي فين من الخريطة فهي في جنوب غرب مصر وعاوز أقولك ان اللي بيحصل في المنطقة محصلش في تاريخ مصر الحديث والمشروعات اللي الحكومة شغالة عليها دلوقتي هتغير شكل الاقتصاد المصري تماما ودا كلام بتقوله الأرقام ومثلا
مشروع شرق العوينات بيعتبر تانى أكبر مشروع زراعى عملاق بجنوب مصر لزراعة القمح بمساحة تتجاوز 186 ألف فدان وعلى بعد 500 كيلومتر من بحيرة ناصر، والمنطقة مثالية للزراعة لأن فيها تربة غنية وخالية من الملوثات، وبتوصل مساحتها إلى 528 ألف فدان مقسمة إلى قطع نصفها موزع على شركات زراعية تنتج محاصيل متنوعة تقدر بنحو 3 ملايين طن في السنة ودا رقم ضخم جدا على فكرة.
شرق  العوينات مش بس مشروع زراعي  لكن هو مشروع تنموية متكامل بيهدف للتوسع السكاني والتنوع الاقتصادي يعني مخطط تقوم فيها مشروعات صحية ومطار ومرافق وشبكات اتصالات، وفيه أكتر من 30 شركة استثمارية شغالة في المشروع لزرعة مساحات شاسعة بتقدر حاليا بـ220 ألف فدان بالمحاصيل المتنوعة على آبار المياه الجوفية والمستهدف الوصول بحجم الرقعة الزراعية إلى مليون فدان بمنطقة شرق العوينات بحلول عام 2030.
طبعا المليون فدان دول رقم مهول وتخيل حجم المحاصيل المختلفة اللي هتنتجها كل سنة ودا غير إن الدولة مخططة يكون فيه مجمعات صناعية ضخمة في المنطقة عشان تحول المحاصيل دي لمنتجات قابلة للتصدير بعد تصنيعها ودا دخل كبير وجديد للدولار في مصر .
وغير كده الدولة عملت ولسه يبتعمل أكبر شبكة طرق حديثة لربط شرق العوينات بالمحافظات القريبة زي الوادي الجديد ومحافظات الصعيد وهدف الطرق دي خلق مجتعات صناعية وزراعية وعمرانية على طول الطرق الجديدة يعني تقدر تقول كده إن فيه مصر تانية بتتبني في شرق العوينات دلوقتي ومع انتهاء المشروعات هنشوف تأثير دا على القيمة المضافة للاقتصاد المصري واللي هيكون في حتة تانية بعد اكتمال مشروعات الزراعة في الدلتا الجديدة وباقي المشروعات الزراعية الجديدة بطول وعرض الجمهورية,