قررت محكمة جنح جنوب الجيزة، المنعقدة اليوم الثلاثاء 26 نوفمبر 2024، بتأجيل محاكمة المخرج الشهير “ع. ز”، في قضية اتهامة بسرقة مجوهرات شاليمار الشربتلي زوجة المخرج خالد يوسف، لجسلة 3 ديسمبر المقبل للإطلاع على الأوراق وسماع أقوال شاليمار الشربتلي.

وكانت حضرت المذيعة بسمة وهبة والفنانة هالة صدقي والإعلامية هالة سرحان، إلى محكمة جنح جنوب الجيزة، لمساندة المخرج الشهير “ع. ز”، في قضية اتهامه بسرقة مجوهرات شاليمار الشربتلي زوجة المخرج خالد يوسف.

أقوال المذيعة بسمة وهبة عن المخرج المتهم بسرقة مجوهرات شاليمار الشربتلي

وقالت المذيعة بسمة وهبة أمام هيئة محكمة جنح جنوب الجيزة: «أنا أعرف المخرج من زمان، وأكيد ملوش علاقة بواقعة السرقة دي لأنه عمره مايعمل كده».

أقوال الفنانة هالة صدقي في قضية سرقة مجوهرات شاليمار الشربتلي

قالت الفنانة هالة صدقي أمام محكمة جنح جنوب الجيزة المنعقدة اليوم، لنظر اتهام المخرج الشهير “ع. ز” بسرقة مجوهرات شاليمار الشربتلي زوجة المخرج خالد يوسف: «أولاً أنا معرفش هم اتخانقوا على خاتم ذهب ولا لأ، وأنا كنت شاهدة على الحوار اللي دار بين المخرج وشاليمار وهو قالها ساعتها، إنتي إزاي سايبة شنطة الدهب دي كده قدام الشغالين إنتي مش خايفة تتسرق»، وأكملت الفنانة أمام المحكمة: «ده ميعرفش الدهب من الفالصو، هيعرف منين إن اللي مسروق ده دهب وشاليمار كان معاها شنطتين ألماظ».

أقوال المخرج المتهم بسرقة مجوهرات شاليمار الشربتلي

استمعت محكمة جنح جنوب الجيزة، إلى أقوال المخرج الشهير “ع. ز”، في اتهامه بسرقة مجوهرات شاليمار الشربتلي زوجة المخرج خالد يوسف.

وقال المخرج أمام محكمة جنح جنوب الجيزة في اتهامه بسرقة مجوهرات شاليمار الشربتلي زوجة المخرج خالد يوسف: «أنا روحت عند خالد يوسف في شقته وقالي في مجوهرات ضايعة من زوجتي.

وأضاف المخرج الشهير: «أنا سألت خالد يوسف أنت دورت على المجوهرات فين، وقالي دورنا في كل مكان ماعدا الأوضة دي، ولما دخلت أدور في الأوضة لقيت المجوهرات اللي ضايعة، وساعتها يافندم تم اتهامي بالسرقة».

وأكمل المخرج: «أنا تم اتهامي إني سرقت المجوهرات ورجعتها في نفس اليوم، وفيه حد يافندم بيسرق حاجة وبيرجعها».

وأفاد قائلاً: «شاليمار قالت أني سرقت مجوهرات تمنها 250 مليون جنيه، ورجعت منهم مجوهرات بـ200 مليون، هو أنا عبيط يافندم علشان أسرق حاجة بـ250 مليون وأرجع منهم حاجات بـ200 مليون وأخد 50 مليون بس».

واختتم المخرج قائلاً: «كل الحاجات اللي لقيناها وإحنا بندور على المسروقات مش مثبوتة في المحضر».