قال نجم الزمالك ناصر منسي في أول ظهور بعد فوزه ببطولة السوبر الأفريقي مع «مصر تايمز»: احساس كبير بالفرحة إني جبت جون في النادي الأهلي طبعا بطل أفريقيا والحمد لله ربنا كرمني وسجلت ده.
وأضاف، واحنا راجعين في الطيارة عملنا حفلات كتير وقعدنا نرقص ودنجا ان شاء الله ما توصاش أول ما طلع من الملعب.
وعن علاقة ناصر منسي بـ إمام عاشور: كابتن إمام عاشور أخويا من زمان أيام المنتخب الأولمبي وأخويا واحنا الإتنين العلاقة بتاعتنا كويسة ومفيش أي حاجة ومفيش أي حاجة بينكم الدنيا بقت تمام يعني. مختتمًا حديثه قائلًا: "نفسي الفترة الجاية ناخد بطولات ونفرح جمهور نادي الزمالك العزيم".
كما كشف نجم الزمالك ناصر منسي في أول ظهور بعد فوزه ببطولة السوبر الأفريقي مع «مصر تايمز» عن تفاصيل استعداده للبطولة قائلًا: مفيش توتر والله وبكون عادي وماتش زي أي ماتش اصلا؛ ولكن الواحد بيستعد بشكل كويس وبيكون مركز عشان كده الواحد ربنا بيكرمه.
وأوضح، «يومين المباراة بقعد مركز اليوم هعمل ايه.. وبتفرج على فيديوهات 5 دقايق أجيبها إزاي.. وكنت مركز قوي في الماتش وإن شاء الله اللي جاي أحسن.
لولا ضربة جزاء الأهلي لم يكسب الزمالك
وردًا على رأي المشاهدين أن لولا ضربة جزاء الأهلي لم يكسب الزمالك؛ رد قائلًا: "احنا طبعا كنا أحسن من الاهلي وكنت اللعيبة رجالة وكنا عاملين ماتش كويس جدا.. وأنا بحب أشكر اللعيبة دي رجالة ولعيبة كبار واتمنى لهم التوفيق الفترة الجاية.
وعن الخطوة القادمة في مشواره الرياضي قال ناصر منسي في أول ظهور بعد فوزه ببطولة السوبر الأفريقي مع «مصر تايمز»: هعمل كل حاجة عشان أفرح جمهور نادي الزمالك العظيم؛ مؤكدًا أن إحساسه بالفوز والسوبر كبير وإحراز جول غالي سيكتبه التاريخ والواحد عمره ما هينساه وكانت فرحان ومبسوط جدا.
وعلى صعيد متصل؛ كشف نبيل عماد دونجا، لاعب وسط فريق الزمالك، عن تفاصيل المواجهة التي جمعته مع إمام عاشور، لاعب النادي الأهلي، خلال مباراة السوبر الإفريقي، التي انتهت بتتويج الزمالك باللقب على حساب غريمه الأهلي بعد اللجوء لركلات الترجيح.
الزمالك يتوج بالسوبر الإفريقي بعد مباراة درامية
في ليلة مليئة بالإثارة، حسم فريق الزمالك بطولة كأس السوبر الإفريقي بالفوز على الأهلي بركلات الترجيح (4-3)، بعد انتهاء الوقت الأصلي بالتعادل الإيجابي (1-1).
أقيمت المباراة على استاد المملكة أرينا في الرياض، حيث نجح الفريق الأبيض في إضافة لقب جديد إلى خزائنه، وسط فرحة جماهيره التي احتشدت لدعمه في هذه المناسبة.
0 تعليق