أعلنت الإعلامية سالي عبد السلام عن وفاة توأمها، في بوست نشرته عبر حسابها الشخصي بموقع فيس بوك. وكانت سالي عبد السلام قد احتفلت بزواجها منذ عامين في حفل زفاف صاخب وقالت وقتها بعد الزواج: "أخيرًا تزوجت حبي ورفيق روحي وكل شيء في حياتي.. إن بعد الصبر جبر اللهم بارك، بارك الله لنا وبارك علينا وجمع بيننا فى خير.

اجهاض الإعلامية سالي عبد السلام بتوأم

شاركت الإعلامية سالي عبد السلام الجمهور صورًا لها بالمستشفى، وكشفت عن فقدان توأمها، ونشرت رسالة مؤثرة حول تجربتها القاسية الأخيرة، قائلة: "قدر الله وماشاء فعل، من كام يوم، وده بعد سنتين انتظار التؤام اللى كان نفسى فيهم أوى يا رب، سنتين صبر وأنت مفيش قدامك غير الصبر زى أى رزق، والحمد لله إن اختبارى كان فى الصبر وبس مش أكتر وكنت طالباها تيجى من عند ربنا خالص ومن غير تدخل دكاترة".

وأضافت: "الحمد لله على نعمة الأخذ بعد العطاء، يا رب فقدت أغلى ما ليا، واللى كان هيكون ليا، الحمد لله، قدرى الحمد لله، انا بكتب الكلام ده عشان يمكن حد يتعلم!!! كل حد قالى وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها فى حياتى (وهم لا يعلمون شيئًا)".

سالي عبد السلام تودع توأمها برسالة مؤثرة

اختتمت سالي عبد السلام رسالتها المؤثرة قائلة: "يا ريتني قلت مبعرفش او مش هقدر عشان موصلش لكدة، كلنا تعبنا وبنتعب ومحدش بيحس ومحدش طلب منك تحس بس الرحمة، الرحمة، كل اللى كتبت عنهم بينى وبينكم الله...انا لله وانا اليه راجعون.. ادعولى كتير.. راضية والحمد لله بس بنهار وأنا بصلى ومش بطلب غير الثبات من ربنا، بس ليا بيتين فى الجنة.. اخترت الآخرة والابقى يا الله".

سالي عبد السلام توجه نصائح للسيدات بعد فقدان توأمها

وكشفت سالي عبد السلام سبب مشاركتها هذا الأمر مع الجمهور، وقدمت نصائح للسيدات من وحي تجربتها الصعبة الأخيرة وقالت: "أنا بكتب الكلام ده عشان يمكن حد يتعلم، كل حد قالى وقال عليا مش عايزة تخلف عشان خايفة على جسمها وشغلها.. وكانت اوحش حاجة سمعتها فى حياتى، وهم لا يعلمون شيئًا، عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب أو معتبر نفسه كدة، ومش من أهله اصلًا ولا يحق له ويحسسهم ان وراهم تارجت، يا اما يكون منبوذ منهم وهنسود عيشتك بسؤالنا كل شهر ونضغط عليك مع انهم مش هيشيلوا اصلا محدش هيشيل غيرك".

وتابعت سالي عبد السلام في رسالتها: "اوعى تقولى انك حامل وخافى من العين واى كلام فى الموضوع ده بالذات، اهه مقولتش وبرضه محصلش ومع احترامى ليهم العرسة بتخلف ده مش انجاز، عشان كل ست اوعى تبقى بـ ١٠٠ ست وتشيلى مسؤولية كل حاجة لوحدك.. الست الجدعة بجد مبتاخدش حاجة.. الست الجدعة محدش يساعدها وكله بيرمى عليها وكمان لما منعرفش نبقى زيها نعطلها او نقلل منها، وبمعنى اصح نبقى سبب فى سقوط كل حاجة فيها مش اطفالها بس".