حل الفنان أحمد عزمي ضيف على برنامج صاحبة السعادة والذي تقدمه الإعلامية إسعاد يونس على قناة dmc وذلك للكشف عن تفاصيل منشوره الذي أثار حالة من الجدل خلال الفترة الماضية، ولكن أثناء البرنامج تحدث عن مواقف طريقة جمعته بالزعيم عادل امام والفنان الكبير يحيى الفخراني.

أحمد عزمي يكشف عن بدايته الفنية  

قال أحمد عزمي في تصريحات رصدها موقع تحيا مصر: لقيت منشور مكتوب فيه عايزين طلبة سنة أولى من المعهد للتمثيل قابلتهم وبدأت الاختبار وخلصنا اتفضل انا وواحد تاني بس. 

وتابع أحمد عزمي حديثه عن فيلم الأبواب المغلقة: الأبواب المغلقة فيلم خلص واتعرض في المهرجان القومي للسينما لما شوفته اكتأبت وقولت الناس هتزهق مني ومش هتحبني عشان ظهرت كتير في الفيلم ، روحت حفلة الختام وحسيت إني عايز استخبى خايف من آراء الناس، واتفاجئت إني خدت جائزة أحسن ممثل دور ثاني في السينما، ف فيلم الابواب المغلقة كان وش الخير عليا.

أحمد عزمي: عادل إمام رن عليا يباركلي على مسلسل عباس الابيض في اليوم الأسود قفلت في وشه 

وتطرق أحمد عزمي بحديثه عن مسلسل عباس الابيض في اليوم الاسود، قائلا: في عباس الابيض في اليوم الاسود قالولي هنزود دعامة 5 سم في رجلك عشان يطولوني في المسلسل لأن كان المفروض في نجمتين معايا طوال ، بعدها بيومين مضيت قابلت مروة عبد المنعم قالتلي انا مضيت وبيمضونت بالمازورة عشان طولك.

وتابع: الحلقة خلصت لقيت عادل إمام بيكلمني بيقولي مبروك يا عزمي قولت حد بيهزر قفلت في وشه، لقيت محمد إمام بيكلمني بيقولي انت قفلت السكة في وش بابا بيباركلك لقيته بيقولي كلام كبير جدًا.

أحمد عزمي وتفاصيل مشاهده في يتربى في عزو 

كان المفروض ياسر جلال يديني 3 اقلام كل قلم في ناحية ويحيى الفخراني قال الاقلام دي لازم تكون حقيقية ومن كل زاوية عشان المشاهد ميحسش أننا بنضحك عليه، صورنا المشهد لقيته بيضربني على خد واحد  لقيتني بدوخ وهقع بس خوفت يعيدو المشهد تاني سكت وحطيت ايدي على وشي عشان أفوق.

ويذكر، أن أحمد عزمي يستعد للمشاركة في سباق مسلسلات رمضان 2025 وذلك بعدما استجابت الشركة المتحدة المنشور الذي كتبه عبر موقع فيسبوك يستغيث من خلاله.