هي البريكس ناوي على إيه.. وإيه اللي بتحضره المجموعة لمواجهة أمريكا وإيه القطاع اللاقتصادي اللي البريكس بتخطط تكسر سيطرة أمريكا عليه.. لو عاوزين التفاصيل كملوا معانا التقرير دا للأخر..

تكتل بريكس بقي محسوس ومؤثر في العالم ودا ظهر كويس جدا مع تهديدات ترامب للبريكس من اصدار عملة دولية بديلة للدولار ودا بيكشف قد إيه البركس بيقلق الولايات المتحدة وفي نفس الوقت دليل إن المجموعة واللي بتضم نص سكان أرض وأقوي الاقتصاديات في العالم وبتتحكم في خطوط التجارة تقدر تغير بوصلة الاقتصاد العالمي وتكسر سيطرة الولايات المتحدة على الاقتصاد والعملات خاصه إن دول بريكس عندها مفاتيح القوة الاقتصادية والموارد والثروات وموارد الطاقة والتعدين وخطوط التجارة.

طيب بريكس ناوية على إيه مع أمريكا وايه الملف اللي هتشتغل عليه بعيدا عن الدولار ؟

شوف حضرتك الرئيس الروسي فلاديمير بوتين طلع بتصريحات مهمة جدا في الساعات الأخيرة وقال  إن روسيا هتطور الذكاء الاصطناعي مع شركائها في مجموعة "بريكس" ودول تانية من خارج بريكس في محاولة لتحدي هيمنة الولايات المتحدة على هذه التقنية.

بوتين قال في مؤتمر عن الذكاء الاصطناعي بموسكو إنه واثق من أن التحالف الدولي لمؤسسات ومعاهد تطوير الذكاء الاصطناعي الوطنية في دول بريكس وبلدان تانية مهتمة بالأمر سيعطي دفعة كبيرة لمثل هذا التعاون وأعلن إطلاق التحالف الجديد
وفي نفس الوقت بنك "سبيربنك" ودا أكبر بنك في روسيا قال إن شبكة تحالف الذكاء الاصطناعي الجديدة هتشهد شراكة بين مؤسسات ذكاء اصطناعي من الصين، اللي بتعتبر واحدة من أكبر قوتين في هذا المجال على مستوى العالم، ومن روسيا والهند والبرازيل وجنوب إفريقيا وبقية دول بريكس واللي هتساهم بالعلماء والكوادر البشرية والمبرمجين لتطوير تقنيات الذكاء الاصطناعي.
طيب ليه روسيا اهتمت دلوقتي بملف الذكاء الاصطناعي ؟
عشان المجال دا هيقود الثورة الاقتصادية في العالم في السنين الجاية واللي هيتخلف مش هيلحق التطور التكنولوجي والصناعي والزراعي اللي هيعتمد بشكل أساسي على تقنيات الذكاء الاصطناعي واللي بيتطور بسرعة الصاروخ وإعلان بوتين جي بعد أيام من إعلان  شركة "مايكروسوفت" الأميركية إطلاق نسخة محدودة للمشاهدة فقط من أداة الذكاء الاصطناعي "كوبايلوت فيجن"، واللي تستطيع فهم الأسئلة المتعلقة بمواقع الإنترنت اللي بيزورها المستخدم باستخدام المتصفح مايكروسوفت "إيدج" والإجابة عليها.

ويمكن لأداة "كوبايلوت فيجن" اللي بيطورها برنامج "كوبايلوت لابس" وهو البرنامج اللي بتستخدمه مايكروسوفت لاختبار قدرات الذكاء الاصطناعي، تحليل النصوص والصور التي تظهر على صفحات الإنترنت للإجابة على أي أسئلة وحسب موقع "تك كرانش" المتخصص في موضوعات التكنولوجيا المستخدم هيحتاج إلى الاشتراك في خدمة الذكاء الاصطناعي كوبايلوت برو التابعة لمايكروسوفت وتكلف 20 دولارا شهريا، مقابل يجرب  أداة "كوبايلوت فيجن".

مصر طبعا مش بعيدة عن الصراع الحالي وهي عضو في بريكس واكيد هتكون جزء من الاقتصاد الجديد المعتمد على تقنيات المستقبل