أكد الإعلامي عمرو أديب أن المسيرات الغامضة التي تطير في سماء عدد من الولايات الامريكية أصبحت موضوعا مثيرا للجدل، مشيرا إلى أنه لم يصدر أي تصريح رسمي بشأن مصدر هذه المسيرات.
وقال أديب خلال برنامج "الحكاية" المذاع على قناة "إم بي سي مصر": "أنت عارف طبعا معني أن يبقي في قاعدة عسكرية أمريكية في أمريكا وفوقيها مسيرات، ولا أحد يقترب منها أنت تقترب هذه المسيرات من واشنطن مكان الحكم ولا أحد يقترب منها".
وأضاف: "بسؤال كل المسؤولين والكونجرس جابوا نائب رئيس الإف بي آي، وقالهم بصراحة منعرفش أي حاجة طيب الراجل يقوله أنت عايز تقولي أن الأمن القومي الأمريكي لا يعرف شيء يقوله اه".
وتابع: "يتحدثون يا سادة أن المسيرات دي التكنولوجيا بتاعتها غريبة ومختلفة وبيبتدي ناس يجيبوا مدافع رشاشة ويضربوا في الجو ومبيجراش حاجة، وبعض الأمريكان بيقولوا حكومة ايه احنا مش هنسمح بالكلام ده، وفي أمريكا من حق أي حد يقتني مسيرة وابتدت الناس تطلع الدرونات بتاعتها وتقف قدام الدرونات دي".
وواصل: "كل مواطن معاه الدرون بتاعه والبطارية تخلي الدرون تقعد يومين وتلاته في الجو وأي حد طلع درون بطاريته خلصت في تلات دقائق ووقع على الأرض".
وأوضح: "ماذا يحدث؟ أنا مخي صغير معلش خدوني على قد عقلي اللي بقول عليه ده معلومات خد المعلومة الجاية قالك دلوقت السماء بقي فيها الدرونات بتاعت الإدارة الأمريكية مسيرات مش شكل بتاعتنا دي لا، وبقت السماء فيها المسيرات الموجودة من الأول وطلع جيش من مسيرات الإدارة الأمريكية ولم يستطع أحد أن يفهم ماذا يحدث".
وذكر: "ابتدى التلقيح وكل إدارة تقولك أنت عارف ايه اللي بيحصل يا جدعان في أمريكا دي مينفعش خبر يبات لبكرة الكلام ده بقاله أيام، ولا أحد، لما ترامب يلسن كده ويقول مانتوا عارفين ايه الحكاية؟ طيب ايه الحكاية يا حج؟ إمبارح بدأوا يلقحوا إن دي حاجات من حضارة المصريين واسمنا موجود قالك لا دا شغل فراعنة مش أي حد يعمله".
وأكمل: "لو عايز فيديوهات هتتفرج على أشياء بتتحرك الواحد فيها بحجم عربية، في أنواع فوق موجودة هل احنا فجأة هيجيلنا البيان رقم واحد إلى أهل الأرض نحن نأتي في سلام ونبتدي نشوف الألعاب أنا مش بضحك رجالة بشنبات وكرافتات وحكام ولايات مش عارفين يردوا خالص".
واختتم: "الأمريكان طلعوا درونات ولكن لم ينجح أحد أن يصور واحد منهم عن قرب أو أن يسقط واحد منهم وبيحصل حاجة غريبة جدا، الدرونات دي بتطفي النور ولا تكون موجودة، والراجل الرئيس المنتخب الحج أبو حنان بيقولهم اسألوا بايدن هو عارف من امتى يا حج بتقول كده؟ هل هم مخلوقات فضائية؟ على فكرة موضوع المخلوقات الفضائية بقاله تلات أربع أيام، وأنا راجع على الأرشيف بتاع الحاجات دي قالك سنة 2022 كان في نفس الحاجات دي فوق الحدود المصرية الإسرائيلية كانوا قاعدين عندنا هنا ومرسوم كرتون لكائنات فضائية بتشرب شيشة".
0 تعليق