حرصت الفنانة السورية أصالة نصري، على دعم أهل موطنها من خلال أغنية تحمل اسم "سوريا جنة"، طرحتها عبر قناتها الخاصة على موقع تبادل الفيديوهات الشهير "يوتيوب".

وحققت أصالة نصري، منذ الساعات الأولى لطرح أغنية "سوريا جنة"، نسبة مشاهدات تخطت الـ20 ألف مشاهدة.

" title="YouTube video player" frameborder="0">

أغنية "سوريا جنة"، غناء أصالة نصري، كلمات بتول زيدان، يارا أحمد، ألحان وتوزيع على حسون.

وروجت أصالة نصري، لأغنية "سوريا جنة"، حيثُ نشرت مقطع منها عبر حسابها الرسمي على موقع تبادل الصور والفيديوهات الشهير "إنستجرام".

وعلقت أصالة نصري، على مقطع الأغنية قائلة :"مشاعر مختلطه كلها قويه خوف أولًا من إنه ينسى الواحد فينا شو كنا وشو أصلنا".

وتابعت أصالة نصري، قائلة، "نحنا كل أهل سوريا بنشبه أهل الحارة اللي بكل العالم ما في من هيك حارة الناس فيها مخلوطين من ديانات مختلفة وثقافات مختلفة وبساطة وشهامة ومحبة وتسامح وتسامح وتسامح".

وأضافت أصالة نصري، قائلة، "ما في شيء هيخلينا نتجاوز ونكبر ونحقق ونعلى غير التسامح ومارح نقول مو وقتها لسه الجرح طازة!، رح نقول نحنا أهل سوريا العظيمة الطيبة".

وأكملت أصالة نصري، قائلة، "سوريا التاريخ اللي بيعشقها شعبها ودفع دمّه فداها ما بدنا نكمل مشوار كله دم وكله قهر وبيرجعنا أكتر وبيقهرنا أكتر لأننا بالآخر هون عنا أهل وحبايب وهون عنا أهل وحبايب وبدنا نتوحد وبدنا نعمر هالبلد الحلوة اللي ما في أحلى من ترابها وشجرها وبيوتها وأهلها الطيبين الحنينين".

وأردفت أصالة نصري، قائلة، "راهنت وبراهن على نجاحنا وإنه الوجع وقف وإنه الفرقة وقفت ومن هون رح نبدى مارح نتطلّع عالماضي وكل واحد فينا رح يعمل شغله ورح نتأمّل خير ورح نتطلّع بالله ورح نترجاه".

وتابعت أصالة نصري، قائلة، "ما بقى بدنا وجع بدنا كلنا نكمل بعض بدنا سوريا تلحق وتعمّر وتكمّل وتسبق بدنا سوريا ما فيها ظلم ما فيها خوف فيها الياسمين بيغوي وشجر الحور عم يطول ونزرع نرجع شجر من القهر ما كأنه مات قدّ ما هوّ انتحر".

وكشفت أصالة نصري، عن أمنيتها قائلة، "بدي أقعد على كرسي بساحة من ساحات الشام عند بياع الصبارة بدي اشتري فستق حلبي من كل البياعين على طريق الربوة بدي شوف سوريا عروس وكلنا نحنا أهلها وبدنا هالعروس اللي تعتّرت وتقطّعت وتنتفت نرجعلها جمالها وليرجع كلنا بدنا نحبها بدها حب".

واستكملت أصالة نصري، قائلة، "ما بقى بدها ولا نقطة دم بدها فرح بدها أمل بدها ثقة بدها سحر والله بيقدر يمسح على القلوب بالتجاوز ونسمو ونعلو ونبني، بعرف إنه كتير صعب بس نحنا أهل الصعب".

واختتمت أصالة نصري، قائلة، "بدنا نهتم بصغارنا اللي شافوا الويلات وصار بدهم قد الكون كلًه رعاية واهتمام، كللي أمل وكللي ثقه نحنا لقدّام ورح نكون وما بقى نقبل ما نكون ورح نبنيها بالحب لأنها بس بالحب رح تعمر ورح تعمر".