كشف السيناريست أيمن بهجت قمر عن العديد من الأشياء الخاصة بحياته الفنية والأعمال الذي قدمها وندم عليها وتصريحاته عن محمد رمضان وغيرها من تلك الأشياء، مشيرا إلى الفن لا يوجد به واسطة أو محسوبية وعندما حقق نجاحات به كان بسبب موهبته وليس لأن ابن فنان.

أيمن بهجت قمر: الفن مفهوش واسطة ولا مجاملة 

وقال أيمن بهجت قمر في تصريحات رصدها موقع تحيا مصر: في ناس بتدخل بواسطة من أهاليهم لكن الفن مفهوش أي مجاملة واللي مش موهوب مبيكملش، هما وشطارتهم إنهم يثبتوا نفسهم بموهبتهم ولو كملت وفيه استمرارية فخلاص وفيه أبناء فنانين كتير جدا تفقوا على أباءهم.

أيمن بهجت قمر: كنت واخدت مسلسل ليالي الحلمية 6 تحدي 

وتطرق أيمن بهجت قمر بحديثه عن الهجوم على مسلسل ليالي الحلمية: طلع عندهم حق يهاجموا مسلسل ليالي الحلمية 6، أنا خدته تحدي والمسلسل مر بأزمات كبيرة زي وفاة محمود عبد العليم وأحنا لسة بنكتبه فكنا المفروض منكملش المسلسل ولكن أنا أصريت إني أعمله، وكان وجهة نظري إن ليالي الحلمية تقول حصل أحداث اي تاني بعد الجزء الخامس زي ما حكينا التاريخ اللي حصل في الأجزاء اللي فاتت نحكي عن اللي حصل من 2011.

وعن المقارنة بينه وبين أسامة أنور عكاشة: مفيش مجال للمقارنة بيني وبين أسامة أنور عكاشة والمقارنة دي ظلمتني، أنا ليا وضع في جيلي لكن متقارنش بأسامي الناس العظيمة دي هما كانوا حاجات تانية خالص وقامات عظيمة وأنا متعدتش حقوق المؤلف ومن حقي أجرب.

أيمن بهجت قمر: آخر ديك في مصر لايق على تامر حسني اكتر من محمد رمضان  

وتحدث أيمن بهجت قمر عن اختيار محمد رمضان في فيلم آخر ديك في مصر، قائلا: آخر ديك في مصر مكنش استايل محمد رمضان وكان أقرب لو عمله تامر حسني هو مش لايق عليه يا خالو ويا طنط، الكاركتر ده كان مش لايق معاه واحنا كنا حابين الريسك ومحمد رمضان لسة مبقاش رقم واحد في السينما لكن في التليفزيون محدش بينجح زيه وده مش عيب أبدا ولا يقلل من محمد رمضان، مانا عملت أفلام كسرت الدنيا ومنجحتش في التليفزيون فعادي.

أيمن بهجت قمر: حذفنا مشاهد في فلانتينو لما حسينا أنه الزعيم فقد الشغف 

وعن حذف مشاهد في فلانتينو، قال أيمن بهجت قمر: حذفنا مشاهد كتير في مسلسل فلانتينو عشان العمل يكتمل، إحنا قعدنا كتير متوقفين واستاذ عادل فقد الشغف في المسلسل فكنا بنحذف بعض المشاهد عشان نريحه، وكل فترة بتصل بيه اتطمن عليه، أنا فتحت عينيا في الدنيا لقيته في بيتنا.

ونفي أيمن بهجت قمر حقيقة ظلم محمد رحيم في الوسط الفني، قائلا: محمد رحيم خد قيمة كبيرة في حياته وهو ملحن ناجح وليه أعمال كتيرة جدا ناجحة وممكن يكون عنده حساسية شوية لكن هو من أهم الملحنيين في حياته، ازاي محدش بيجيب سيرته اها في كام موقف ضايقه وعلاقتي برحيم أننا نتعامل كل سنة مرة لكن مفيش بينا صداقة كبيرة وفي أواخر كام شهر في حياته كنت بسأل عليه وهو يعزيني وهكذا.