بعد تسريب صور ثلاثى نادى الزمالك مصطفى شلبى وعماد دونجا وعبدالواحد السيد خلال جلسة المحاكمة اليوم فى أبوظبى بتهمة الأعتداء على فرد أمن أماراتي يدعي  أبوسليمان بعد هدف نادى بيراميدز الملغي فى كأس السوبر المصرى المقام فى مدينة أبوظبى   ، طالبت الجماهير المصرية بكافة أطيافها بعدم استكمال البطولة وعودة الفرق الأربعة المشاركة فى البطولة النادي الأهلي والزمالك وبيراميدز وعدم استكمال البطولة  التى يلعب النهائي غدا الخميس  الساعة الثامنة مساء رغم بيان نادى الزمالك منذ قليل والذى أكد على خوضه نهائي السوبر غد الجمعة وأكد فيه احترامه واعاد الأعتذار مرة أخرى على ماحدث فى مباراته مع فريق بيراميدز 

نص بيان نادى الزمالك منذ قليل 

لا تلعبوا المباراة ابناء مصر

قال الكابتن جمال عبدالحميد نجم نادى الزمالك والمنتخب القومى السابق عبر صفحتة الشحصية على موقع التواصل الأجتاعى االفيسبوك " لا تلعبوا المباراة ابناء مصر اهم من كاس صفيح"

وردا على جمال عبدالحميد قال جمال نداوى مين يوصل الكلام دة لحسين لبيب ومجلسة حفظا لماء وجة كل الشعب المصري ما عدا بهايم الجاهلي الشامتين بقوة، واشرف خضير عندك حق يا نجم مصر، ولوشا ابو علي وياسين احسنت القول

اضاف عبدالحميد البريدى، المفروض بعد اللى حصل مفيش مباريات خارج البلاد تانى ياكابتن جمال

وهدى ابراهيم قالت، المشكله دى إهانة للرياضه كلها ازاى لاعبين يتحبسوا ويتهانوا بالشكل ده واحنا  ساكتين لازم تدخل سريع وعلى اعلى مستوى

بلاش فضائح 

وقال الناقد الرياضى جمال نورالدين نائب رئيس تحريرالاذاعه والتليفزيون رئيس تحرير بوابة مصرللشباب والرياضه، بلاش فضايح وقلة قيمه بلاها سوبر وكلام فارغ صور لاعبي نادي الزمالك فى القسم فضيحة للكره المصرية  وبلاش نمشى فى الهايفة ونتغنى باهلى وزمالك،الموضوع اكبر من كده بكتير

بلاها سوبر

وقال الكاتب الصحفى محمد الصايم مدير تحرير جريدة الجمهورية د سوبر وقرف ايه وكلام فارغ ايه،خطأ كبير لا يتغفر لثلاثى نادى الزمالك ويجب حتى لو انتهى الموضوع بسلام توقيع أقصى عقوبة عليهم، لكن تسريب ونشر صورة لهم داخل النيابة بهذا الشكل ده اسمه فضيحة وقلة قيمة للكرة المصرية، واصبح الموضوع أكبر من هؤلاء التافهين بلاها سوبر 

وبالنسبة لصور أحمد سليمان عضو مجلس إدارة نادى الزمالك صورة من فترة فى الساحل الشمالي مش فى أبوظبى بلاش نجرى ورا التفاهات واستغلال الفرص بشكل سئ 

غضب جماهير بكل الأطياف 

وعبر الملايين من عشاق كرة القدم ونادي الزمالك عن غضبهم الشديد والأستياء من نشر صور محاكمة  ثلاثي نادي الزمالك أثناء المحاكمة وجاءت ردود الفعل غاضبة مطالبة بعودة نادي الزمالك وعدم اللعب غدا الجمعة والأخر طالب بعودة الفرق الأربعة

قال كريم السمنى،أنا اهلاوى  وضد اللعب وعودة كل الفرق 

وطالب وائل فكري بانسحاب كل الفرق واستكمال كأس السوبر فى مصر 

اضافت حنان عبدالله  ، أنا أهلوية وبقول الاتنين ينسحبو

وطالب حسين محمد بانسحاب الاهلي والزمالك واتفق معه امير الجنوب قائلا "الكل يمتنع ويرجعوا مصر فوراوانأ أهلاوي وضد أى إساءة للبلد اتحاد كرة عار والله

وقال حمدى القماري يرجعو يلعبو فى بلدهم انت عمرك شوفت اى فراق من افريقيا أو آسيا بتلعب برابلدها دى فى حد ذاتها اهانه

منظومة فاسدة 

قال عصمت علي ابوضرارمنظومه فاسده ومجاملات اذا كان من وقت قصير قال البعض لماذا المدير الفني للمنتخب لا يشاهد المباريات في الاستاد ويومها رد وقال انا مع شاهدها من التلفزيون والآن هما في الإمارات يعني الإمارات بقيت أقرب من محافظات مصر وتقلي اهلي وزمالك ولعب وغيره اذا كان الفساد من المنبع وعاوز الشعب الغلبان يقول رأيه في حاجه لا ناقه له فيها ولا جمل.... المتش هيتعلب والسنين الجايه برضوا هيروحوا يلعبوا واحنا هنتفرج علشان نوهم نفسنا اننا مع نشاهد كوره ونكتفي بالمشاهده... أهلاوي

وطالب أحمد جلال بانسحاب كل الفرق المصريه

هشام ابوشريف المفروض الأربع فرق تمتنع عن اللعب يرجعوا على مصر فورا

المدربه اميرة اسعد هما لو غلطو يتحاسبو لو مغلطوش ننسحب

ناصر يوسف أنا اهلاوى  ضد اللعب طبعا

عبد الرحمن أيمن أغلب الظن أن الزمالك هيلعب غصب عنه  ولو إنسحب لن يعلن ذلك إلا وقت المباراة ولو عمل كده الفريق مش هيدخل دول الخليج مرة أخرى 

مصطفى خليفة لو رجاله كله ينسحب ولو الزمالك رجاله ينسحبوا بعد ما الاهلي ينزل الملعب اعتراض على المعامله

بس السؤال لو العكس اللى حصل

كان زمان فرد الأمن هو اللي اتحبس

فيروزه حسن

الموضوع اخد اكبر من حقه يلعبوا السوبر أو ينسحبوا بلا وجع دماغ عنهم ما لعبوا المكسب ليهم والخسارة ليهم واحنا مالنا بحوارتكم دي حرقتوا دمنا بلا قرف بقي

مدحت آدم

عودة الفرق الأربعة الي مصر وإكمال المباريات في القاهرة وكفاية فضايح برة

حمدان بدوي عبد الباري

لو فيه رجوله

يرجعو ال ٤ فرق

وميلعبوش

ويخلو اتحاد العار 

كلنا مصريين وبس

الأمارات دولة قانون وتحترم 

محمد مهدى الروخ كل المشكلة أن الإمارات بلد فعليا فيها قانون ويتم احترامة لانه بيطبق على الجميع دون النظر لمنصب شخص احنا اتعودنا على الهيصه والمحسوبية وان الشخصية العامه حولها هاله حمايه كل اللى فالتعليقات منتقد موقف الامارات هو نفسه اللى مخنوق هنا أنه ملهوش حق لو اللى ضده حد من اللى حولهم هاله منصب أو شهره

قالت كابتن سحر الجروانى، ونلعب بره بلدنا ليييييييه معندناش ملاعب... بالعكس عندنا ملاعب من اكبر الملاعب.... واحنا وعيالنا نروح نشجع 

لاعيبتنا تتعصب تتخانق تقطع بعض... يحصل اللى يحصل يبقى فى بلدنا وبراحتنا

ويتعاقبو فى بلدهم زى ما يتعاقبو

ما شوفتش ولا سمعت عن اى دولة من دول الخليج فرق الكورة بتاعتهم نزلت تلعب النهائى فى مصر