هو ليه محافظ البنك المركزي المصري زار الامارات العربيه المتحده وايه تفاصيل 48 ساعة قضاها المحافظ في ابو ظبي وايه السر اللي كشفه حسن عبد الله وكان السبب في عبور مصر من اكبر مخطط لضرب اقتصادها.. خليكم معانا للآخر وهتعرفوا التفاصيل في الفيديو ده

حسن عبد الله محافظ البنك المركزي المصري اسم كبير جدا جدا في مصر ومن الشخصيات اللي ساهمت إن مصر تعدي من المؤامرة المالية اللي حاولت جهات خارجية وتجار السوق السوداء ومافيا العملة يغرقوا مصر فيها لكن مصر مليانه رجالة زي حسن عبد الله يقدروا يحموها ويخرجوها من اي أزمة أقوى وأشد من الأول....

محافظ البنك المركزي في مهمة خاصة من ساعة حصوله على ثقة الرئيس السيسي في مواجهة الأزمات المالية الخطيرة اللي ظهرت نتيجة الظروف الدولية وكان سببها خروج مليارات الدولارات الساخنه من مصر وظهور الفجوة الدولارية وتوحش مفاجئ لمافيا العملة وعلامات كتير كشفت أن الموضوع مش مجرد أزمة نقص دولار نتيجة أزمات دولية في روسيا وأوكرانيا لكن الموضوع طلع أكبر من كده وإنه مؤامرة كبيرة وجاهزة لخنق مصر ماليا وخلق حالة من الغضب الشعبي نتيجة ارتفاع الأسعار والضغط على الناس من زاوية غلاء المعيشة ولما محافظ المركزي كشف اللعبة كان سابق المخطط الاسود بخطوات كبيرة.

وقدر عبد الله يروض الدولار ويقضي على السوق السوداء بضربة واحدة في مارس اللي فات وثرجع تحويلات المصريين بالخارج ويفتح ابواب الاستثمار والعجلة ترجع تدور وضرب تجار العملة بمقتل زي ما بيقول المصريين بقرار تحرير سعر الصرف ورجع الدولار للبنوك ومعاه رجع الاستقرار المالي.

الغريب أن في ذروة الأزمة المالية اللي خلقها نقص الدولار البنوك المصرية متهزتش وفضلت قوية وصادمة ودا خلي ناس تسال عن سر قوة الجهاز المصرفي المصرفي المصري رغم خطورة الأزمة لكن  حسن عبد محافظ البنك المركزي اخيرا جاوب على السؤال دا وقال إن البنك المركزي كان عامل زي اختبار أزمات أو اختبار صلابة كده عشان يشوف قدرة البنوك المصرية على تحمل الأزمات وقال حسن عبد الله  ان البنك المركزي المصري بيقوم بصورة دورية بتقييم صلابة القطاع المصرفي في مواجهة المخاطر المختلفة اللي ممكن تهدد الاستقرار المالي ودا من خلال منظور احترازي كلي وكان بيتم تطبيق اختبارات الضغوط الكلية ضمن سيناريو متكامل للمخاطر الاقتصادية والمالية والجيوسياسة والمناخية بهدف قياس مدى تأثر القطاع المصرفي بالمخاطر النظامية التي قد تنتج عن تلك الصدمات..

عبد الله أكد  إن الاختبارات كشفت مرونة القطاع المصرفي المصري في مواجهة مختلف المخاطر، وفاعلية السياسة الاحترازية الكلية والجزئية للبنك المركزي المصري في تعزيز الاستقرار المالي ودا السر في عبور مصر من الأزمة المالية والاحداث الجيوسياسية في المنطقة .

تصريحات محافظ المركزي المصري كانت على هامش زيارته الأخيرة للامارات واللي استمرت 48 ساعة للمشاركة في "الاجتماع السنوي التاسع عشر عالي المستوي حول الاستقرار المالي والأولويات التنظيمية والرقابية" بأبو ظبي، واللي استمرت فعالياته على مدار يومي 18 و19 ديسمبر 2024 بحضور محافظي البنوك المركزية في المنطقة وكان لحضور عبد الله أهمية خاصة لدفع التعاون المالي بين المركزي المصري والبنوك المركزية في الخليج.

ويعتبر الاجتماع السنوي مهم جدا لانه بيوضح لصانعي السياسات ومتخذي القرار في البنوك المركزية والمؤسسات المالية والمصرفية وكبار مسؤولي الرقابة المصرفية في المنطقة لانه بيضم نخبة من خبراء البنوك والاقتصاد في العالم العربي.