يستعد كل من المطرب رامي صبري وتامر حسني لطرح الأغنية الأولى لهما على طريقة الديو، والتي من المقرر طرحها في الأيام القليلة المقبلة، بعد الانتهاء من كافة التحضيرات النهائية لها، بعدما انتهى الثنائي من تسجيلها.

أول تعليق من رامي صبري عن تعاونه مع تامر حسني

وفي أول تعليق للمطرب رامي صبري عن تعاونه الأول مع المطرب تامر حسني، أوضح من خلال منشور له عبر حسابه الرسمي بموقع التواصل الاجتماعي «فيسبوك» قائلاً: «أنا بشوف الصورة دي بشكل تاني خالص، أولاً، تامر فنان أخ وغالي ومحترم (وواثق في نفسه)، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة وما يعرفوش يبقوا زي الراجل المحترم اللي ماسك المايك ده، تامر حسني فنان كبير جدًا جدًا ولما اشتغلت أنا وهو في الديو اللي هينزل الفترة اللي جاية فهمت هو ليه محبوب جدًا».

وتابع رامي صبري قائلاً: «أولًا، علشان تامر حسني عنده صفاء نفسي مش موجود عندي أنا شخصيًا... آه والله، أنا دايمًا ليا رد فعل، إنما هو بيسيب الحاجات زي ما هي وما بيحبش يرد، ودي حاجة صعبة جدًا جدًا. عاوز أقول مش كل فنان أو نجم يستحق.. لأن دايمًا الأخلاق واحترام زمايلك هو الموضوع مش بس الفن. شكراً تامر حسني على ذوقك واحترامك ليا دايمًا في التصوير، ودايمًا كنت تقولي 'أنت مبسوط؟ إيه رأيك؟ محتاج حاجة؟' كل ده ما ينفعش يطلع غير من فنان حقيقي عنده إحساس بالناس، والأهم واثق من نفسه. قريبًا جدًا هتشوفوا وهتسمعوا أغنية (فعلاً مابتنسیش) على جميع منصات الموسيقى في العالم».