شن الإعلامي محمد موسى، هجوماً حادا على إعلام جماعة الإخوان الإرهابية، لافتاً إلى أنهم عملاء ومرتزقة يحرصون على بث الأكاذيب والشائعات ضد الدولة لنشر حالة من الفوضى في البلاد.

وأضاف محمد موسى خلال تقديم برنامج "خط أحمر" على قناة الحدث اليوم:"مفيش أسهل من إنك تكذب الكذبة وتصدقها.. ده الشعار اللي شغال بيه إخوان إبليس.. إعلام تنظيم الإخوان الإرهابي .. الناس دي اللي زي  نعنانة الشهير بجو شو ولا لوسي الشهير بمعتز مطر ولا محمد ناصر أبو رانيا.. شوية المخنثين دول شغالين كذب يوميا عن البلد  بهدف إثارة البلبلة والفوضي ومفكرين أن لسه في حد بيصدقهم في أكاذيبهم النتنة".
تابع محمد موسى: "المخنث اللي اسمه محمد ناصر طالع يكذب على الناس .. ودي حاجة مش غريبة عليه.. بيقول في أحدث خزعبلاته إن سندوتش الفول وصل لـ 15 جنيه .. يا أجير يا مرتزق.. هنصحك نصيحة.. لما تحب تكذب بلاش تكذب على الناس البسيطة.. الشعب المصري أكتر من 105  مليون .. كل المصريين تقريباً بيفطروا فول الصبح.. وكلنا عارفين سعر سندوتش الفول .. طاب أنا من الأرياف وسألت عندنا في بلدنا عن سعر السندوتش وعرفت إنه في حدود 3 جنيه".

وتابع محمد موسى: "فريق الإعداد بتاعي من محافظات مختلفة .. اللي قالي عندنا 3 جنيه واللي قال بـ  4 جنيه واللي قال بـ  5 جنية  .. يعني مفيش 15 جنيه دي يا مخنث.. طبعا هو حب يسبك الحوار .. عمل إيه .. جاب حد كاتب كده الله أعلم هو مين ولا فين .. عارفين طبعا ألاعيب السوشيال ميديا.. وهتلاقيه أكونت فيك من أكاونتات لجانكم الالكترونية يامخنث ... إعلام كاذب ومدلس وكمان غبي .. أنا هافضل أكشف أكاذيب وزيف إخوان إبليس دول.. ومش همل أبدا .. عارفين ليه.. لإني مهتم جدا بمعركة الوعي .. اللي كلنا مكلفين بها كمواطنين عشان نحافظ علي بلدنا من الشائعات اللي بيروجها إخوان الشيطان واللي كلها بتستهدف بلدنا".