السياحة واحدة من الحاجات اللي الدولة مركزه عليها جدا في الفترة الرئاسية الجديدة للرئيس عبدالفتاح السيسي، والدولة بتحاول بكل الطرق أنها تزود ايرادات القطاع.. ياتري اية سر اهتمام الدوبلة بقطاع السياحة، والدولة مستهدفة توصل لكام سائح السنة دي.

مصر في الوقت الحالي موجودة في موقف لا تحسد عليه، وبعد ما كانت عندها خطط كبيرة لاستهداف اعداد اكبر من السائحين علي مستوي العالم، للاسف الخطط دي اتبدل واتغيرت تماما، وبقي المستهدف دلوقتي غير المستهدف في الاستراتيجية الوطنية لتنمية السياحة في مصر واللي مصر شغالة عليها من وقت طويل.

السياحة معروفة في كل دول العالم أنها القطاع الاسر نموا وممكن في خلال ايام معدودة يحقق فائض دولاري كبير لمصر، ويكون سببب في معادلة الميزان الاقتصادي المصري، وبدل ما الدولة تكون بتدور علي مصادر بعيدة علشن تعظم الحصيلة الدولارية، لا هيكون عندها مصدر دولاري جاهز وهو أنه اجيب وفود سياحية من دول العالم لمصر.

طيب اية اللي بتعمله مصر علشان تعظيم السياحة الوافدة إلي مصر؟

الدولة حاليا بتحط اللمسات النهائية على مشروعين كبيرين جداً في قطاع السياحة والهدف منهم هو مضاعفة عدد الغرف السياحية في المنطقة المحيطة بهضبة الأهرام والمتحف المصري الكبير ومنطقة وسط البلد القديمة، خصوصا أن المناطق دي لهم قبول خاص عن السائحين في كل دول العالم.

الدكتور مصطفي مدبولي رئيس مجلس الوزراء قال أن رغمه الظرفوف السياسية والاقتصادية اللي بتمر بيها البلد ولكن الحكومة هتوصل لـ 15.5 مليون سائح، والحكومة بتستهدف الوصول إلى 18 مليون سائح السنة اللي جاية، والاعداد دي مستهدف أنها تكون أعلي من كده في حالة تغير الظروف الجيوسياسية اللي بتحيط بمصر.

الدكتور مصطفي مدبولي رئيس مجلس الوزراء اتكلم كمان وقال لأن إيرادات السياحة هتكسر السنة دي حاجز الرقم المعتاد اللي بيتراوح ما بين 20 إلى 22 مليار دولار، الرقم ده بيمثل العجز الدولاري في الدولة، و0يجب العمل عليه من خلال مقترحات بيتم تقديمها بأهداف واضحة جدا للعمل عليها ومراجعتها باستمرار.

مدبولي قال في وسط الظروف الصعبة الموجودة دولوقتي بيتوقع أن يكون النمو فى قطاع السياحة السنة دي في حدود من 10 إلى 11%، وبنستهدف اننا نوصل بالمعدل السنة اللي جاية لـ 15%، وعايزين نستمر في المعدل ده وعلينا اننا نحط خطط لزيادة عدد السائحين الوافدين لمصر .

مدبولي اتكلم كمان وقال أن الحكومة بتستعد لطرح إدارة وتشغيل عدد من المطارات المصرية للقطاع الخاص، والحكومة قررت التعاقد مع مؤسسة التمويل الدولية لطرح المطارات المصرية للإدارة والتشغيل بالشراكة مع القطاع الخاص، ورئيس الوزراء اقترح أن الاتجاه يمشي مع قيام القطاع الخاص بخوض مجال إنشاء شركات طيران من خلال الدخول في تحالفات أو شراكة مع الدولة وده هيسهم في زيادة أسطول الطيران المصري.