السبت 04 يناير 2025 | 01:01 مساءً

رجل الأعمال المهندس صلاح دياب

تحدث رجل الأعمال المهندس صلاح دياب، عن رجال الأعمال في مصر، مشيرا إلى أن نظرة المجتمع لرجال الأعمال نظرة تاريخية غير منصفة.

تأميم القطاع الخاص

وأشار «دياب» خلال حواره ببرنامج «حبر سري» عبر قناة «القاهرة والناس»، إلى تأميم القطاع الخاص في عهد الرئيس الأسبق جمال عبدالناصر، قائلًا: «رجال الأعمال اللي خضعوا للحراسات والتأميم على أساس أنهم بيسرقوا الشعب… لو الشوربجي لسه موجود أو السيد ياسين بتاع الزجاج لسه موجود، كان زمانه متفوق على مورانو بتاعة إيطاليا، أو عبود أو اللوزي بتوع الحرير.. لو كل دول لسه موجودين؟! كل الحاجات اندثرت، وبنبدأ من جديد».

وأوضح أن رجال الأعمال حاليًا ينظر إليهم بغضب وبشكل غير منصف، متابعًا: «رؤوف غبور من أذكى رجال الأعمال وعمل شغل مميز، وهو من أدخل التروسيكل في مصر وهو وسيلة نقل مهمة جدًا».

يجب الافتخار بـ أحمد عز

وتابع: «صناعة الحديد والصلب في مصر، المفروض نفتخر بواحد زي أحمد عز. اكسب اللي عايز تكسبه بس هاخد منه ضرائب وتأمينات ورعاية صحية للعمال والموظفين».

عيب نجيب ساويرس

وقال دياب، إن رجل الأعمال المهندس نجيب ساويرس، من أنجح رجال الأعمال، متابعًا: «نجيب عنده رؤية وميزة كبيرة جدًا وعيب في نفس الوقت، إنه صعيدي، ردود فعله صعيدية».

" title="مهندس صلاح دياب: نجيب ساويرس صعيدي عظيم بيقف جنب اللي بيقع بلا هدف لكن غضبه عنيف" frameborder="0">

وأضاف: «يتمسك جدا بالناس اللي بيشتغلوا معاه لو حد بيوقع يقف جنبه ويشيله بلا هدف عنده، ده ميزة كبيرة جدًا، إنما غضبه عنيف، رجل عظيم، مش هو بس عائلة ساويرس كلها».

وأشاد بتجربة سميح ساويرس في إنشاء مدينة الجونة، موضحًا: «عمل مدينة جديدة بمطار بإذاعة بمهرجان.. ده الخديوي إسماعيل نفسه عمل الإسماعيلية، لكن سميح رجل عادي، نتصور لو عندنا 100 سميح ساويرس بـ 100 مدينة زي الجونة».