علق الإعلامي احمد موسى على قيام بعض السوريين بالتحريض ضد مصر على خلفية القرار المصري بمنع دخول السوريين إلى البلاد.

وقال موسى خلال برنامج "على مسؤوليتي" المذاع على قناة "صدى البلد": "بعض الاشقاء السوريين زعلانيين اننا اخدنا قرار بمنع السوريين انهم يجيوا وأنا عايز اقولهم رسالة واحدة كل دولة لها الحق تاخد إجراءات التي تراها للحفاظ على امن بلادها وشعوبها أي بلد في العالم".

وأضاف: "سوريا خدت قرار امبارح بمنع دخول اللبنانيين ومفيش لبناني يدخل سوريا، هما أحرار دا حاجة ودول قبل كده كانت بتاخد قرار ضد السوريين مش عايزين نتكلم عليها البلد العظيمة مصر من أول يوم في 2011 فتحت أبوابها ومطاراتها وموانيها للاشقاء السوريين وموجودين عندنا النهاردة 13 سنة أهلا وسهلا لا قولنا عليهم لاجئين إطلاقا ومن أول يوم سيادة الرئيس بيتكلم ضيوف رغم أن كتير من المصريين زعلانين وحتى زعلانين من كلمة ضيوف".

وتابع: "الناس زعلانة أننا بنقول عليهم وعلى غيرهم ضيوف ولكن هذه هي الدولة المصرية الكل موجود على أراضيها بيتعامل ضيف والأمر التاني أشقائنا السوريين الموجودين في مصر مفيش حصر رسمي المنظمة الدولية للهجرة مطلعة تقرير بتتكلم على حوالي 1.5 مليون سوري وطبعا هذا الرقم أقل من الموجود ولكن خلينا نتكلم عن الـ 1.5 مليون اللي اتكلمت عليهم المنظمة الدولية للهجرة".

وواصل: "هل فيهم واحد اتعرض لأي مشكلة في مصر؟ أبدا بالمناسبة بيتعاملوا كمواطنين مصريين هما وغيرهم يعني الـ 9-10 مليون الموجودين في مصر مفيش واحد منهم قعد في خيمة لكن في للأسف بعض الجهلة بيشتموا بلدي ومش بيشتموا مصر بس ولكن كمان لما اجد أمبارح خطابات تحريضية من بعض المنابر في دمشق ضد مصر وضد الرئيس وضد الدولة وضد الجيش يبقي أنا هنا لازم أخد بالي كويس أوي ولازم اشوف الخطابات التحريضية ضد بلدي واتكلم على الهواء لمن بايده القرار في سوريا أو خارج سوريا".

وأوضح: "خطابات تحريضية من دخل سوريا امبارح وأول امبارح وتحريض واحنا اللي عملناه محدش عمل زينا والشعب السوري شعب شقيق وهنفضل ندعمه ولكن في بعض الأصوات اللي بقول ميعبروش أبدا عن الشعب السوري".

واختتم: "براحة وأنت بتتكلم واعرف قيمة هذا الوطن العظيم لما يبقي عندك الوضع مستقر وتعرف مين السوري ومين التركي والافغاني النهاردة عندك أزمة وإذا أنت مدي جنسيات الفترة اللي فاتت 10-15 ألف واحد ودول مليشيات عايزني استقبل مليشيات في بلدي؟".