يا ترى لو بفتكر تشتري عربية جديدة في 2025، تعمل إيه، هل تبدأ تدرس السوق وتشوف خريطة الأسعار الأول، ولا تنزل تشتري الموديل اللي حاطط عينك عليه من مدة ومستنى ساعة الصفر، طب الأسعار دلوقتي رايحة على فين، وإيه هو أفضل وقت للشراء.

طبعا كتير من المصريين عايزين يشتروا عربية محندقة كده، تغنيهم عن زحمة المواصلات وفي نفس الوقت تسهل تحركاتهم في أي وقت وأي مكان، ومع بداية سنة 2025 هنقولك أسعار العربيات الزيرو عاملة كام.

مبدئيا كده،  أسعار السيارات في مصر مع بداية 2025، سجلت حالة من الاستقرار، خاصة للعربيات الأوتوماتيك، واللي بتكون أفضل وأكتر راحة من المانيوال أو اليدوي.

ونقدر نقول، إن سوق السيارات مع الأيام الأولى من سنة 2025، منتعش، وفي ناس كتير نزلت تشتري احتفالا بالسنة الجديدة، وطبعا من أهم الماركات اللي عليها إقبال دلوقتي هي عربية MG 7  موديل 2025، واللي وصل سعرها ل مليون و810 ألف جنيه.

كمان سعر سيارة تيجوان موديل 2025، سجل 2 مليون و750 ألف، أما رينو موديل 2025 ASTRAL فسجلت 2 مليون و400 ألف جنيه.

نيجي بقى لسيارة موديل سيات إبياز FR2025، واللي سجلت مليون و400 ألف جنيه، كمان وصل سعر سيارة موديل جيلي كولدري 1.5،GL،STANDARD 2025k لمليون و200 ألف جنيه.

ضيف للقايمة، عربية موديل سيات 1.4 TARRACO،2025 FR اللي سجلت 2 مليون و480 ألف جنيه، كمان رينو A/T 1.3 EVOLUTION  سجلت مليون و600 ألف جنيه مصري.

ووصل سعر عربية هافال H6 أتوماتيك لمليون و580 ألف جنيه، وكمان عربية هافال H6 أتوماتيك Deluxe SR 2024 سجلت مبلغ مليون و460 ألف جنيه، أما شيرى 8 تيجو أتوماتيك Luxury 7 Seats 2025، فوصل سعرها بمليون و305 ألف جنيه.

وقبل ما تشتري، هنقولك شوية نصايح عشان تضمن عملية شراء سليمة وفلوسك ماتضعش، أولها إنك لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.

وياريت تشتري من مكان معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك وفلوسك في نفس الوقت، ومايتنصبش عليك.