انتقد الإعلامي أحمد موسى نظام البكالوريا الجديد بديل الثانوية العامة، بعد إعلان وزارة التربية والتعليم والتعليم الفني عنه  والمقرر تطبيقه على طلاب الصف الأول الثانوي في العام الدراسي المقبل.

نظام البكالوريا الجديد

وأوضح أحمد موسى - في برنامج «على مسئوليتي» الذي يُعرض على قناة «صدى البلد» بعد الإعلان عن نظام البكالوريا الجديد: «فجأة نظام التعليم بيتغير، وكل 3 أو 4 سنين كده نغير نظام التعليم في مصر، هو فيه حاجة اسمها كده؟!، هو فيه حاجة اسمها أنا السنة الجاية بعدل الثانوية العامة، وبعمل بدلها حاجة اسمها نظام البكالوريا المصرية، آخر مرة سمعناها امتى دي؟!، أيام الطربوش الأحمر».

نظام البكالوريا بديل الثانوية العامة

واعتبر أحمد موسى أن نظام البكالوريا بديل الثانوية العامة هو رجوع للخلف قائلا: « أنا بطلع لقدام ولا برجع؟!، هذا النظام الجديد بدل ما كنت بتأخذ حصة ستأخذ 4 حصص، طبعًا ليس هناك تفاصيل، لكن أنا قعدت أقرأ في الورق وأرى»، مُضيفًا: «ليه كل حاجة بنجري، جه الدكتور طارق شوقي وعمل نظام تعليم، ثم الدكتور رضا حجازي واتعمل نظام تعليم، ثم سيادة الوزير محمد عبداللطيف وعمل نظام تعليم، وبعد شوية هييجي وزير آخر وهنعمل نظام تعليم».

نظام البكالوريا بديل الثانويه العامه

وأضاف موسى: «أيوة كان عندنا مشاكل مابقولش لا، بس لما أحط نظام تعليم أغيره كل شوية؟!، كل شوية نعمل ارتباك في البيت المصري، الأسر اللي ولادها النهارده في الثانوية العامة هيتعلم أنهي شهادة بكالوريا ولا ثانوية، طيب أنهي درجات، درجات البكالوريا ولا درجات الثانوية، طيب المدرس اللي هيدرس بكالوريا ولا ثانوية، طيب أنا جاهز؟!، يعني أنا مدارسي النهارده كلها للبكالوريا».

نظام الثانوية العامة الجديد 2025

وتابع أن نظام الثانوية العامة الجديد 2025: «أنا لما قريت لاحظت أن نظام البكالوريا قريب من نظام الـ IG، يعني أنت في تقديري بتعمل توازن ما بين مدارس الحكومة والمدارس الأجنبية، يبقى هنا في الحكومة بعمل نظام قريب من الـIG، فيه ناس تتقبل وفيه ماتتقبلش ده، ولكن ماينفعش أقول السنة الجاية هطبق، ما ينفعش نظام التعليم كل شوية نغير ونقول السنة الجاية هنعمل أو بعد شهرين».