المواصلات في مصر بقت شيء مرهق ومتعب، وفي الوقت اللي كتير بيفكر يشترب عربية خاصة تسهل تحركاته وتوفر وقته وجهده، الحكومة قررت تنفذ مشروعات نقل جماعي جديدة مريحة واقتصادية وكمان هتسهل حياة الناس.

ومن ضمن مشروعات النقل الجماعي الجديدة هو مشروع الأتوبيس الترددي أو ال BRT ، واللي بتنفذه وزارة النقل دلوقتي على الطريق الدايري عشان يكون بديل للخط الخامس للمترو، وكمان بديل للميكروباص.

والمشروع دع هدفه هو تحقيق خدمة الربط بين مواقف الميكروباص ومحطات الأتوبيس الترددي الجديد، ونقل أكبر عدد من كثافات الركاب من على الدايري.

عشان كده، وزارة النقل بتسعى دلوقتي لأنها تنتهي من محطات الأتوبيس الترددي، وكمان تنفيذ المسارات الخاصة بمسير الأتوبيسات على الطريق.

ومقرر الانتهاء من المرحلة الأولى من المشروع، في النصف الأول من السنة دي 2025، ولحد دلوقتي وصلت تكلفة المشروع  9.5 مليار جنيه.

أمام فكرته بقى، فهي قايمة على أتوبيسات بسعة كبيرة، هتمشي في مسارات مخصصة لها على الدايري، وبتقف في عدد من المحطات عند التقاطعات الرئيسة على الطريق.

وبيعتبر الأتوبيس الترددي الحل الأمثل لتنظيم حركة المرور بالطريق الدايري بعد تطويره، لأنه طبعا عانى من أزمات الوقوف المتكرر والعشوائي للميكروباصات، واللي اتسبب في حوادث كتيرة ومتكررة.

ونقدر نقول إن الأتوبيس الترددي، هيكون وسيلة مواصلات أكتر أمانا من أي حاجة تانية، وكمان بيتميز بأنه وسيلة نقل حضارية وأكثر استيعابا لأعداد المواطنين وصديقة للبيئة.

ضيف على ده، إنه هيكون متراقب بالكاميرات، ومش بيقف غير في المحطات المخصصة له، وبكده يكون حقق معادلة الحفاظ على الحركة المرورية أعلى الطريق الدائري.

وهيشتغل الأتوبيس على مدار 24 ساعة من خلال 3 دوريات عمل، وهيتم إنشاء ساحات انتظار للملاكي تحت محطاته، وكمان هيكون الدخول لمحطاته من خلال نفق أو سلم مشاة، وهتكون الاتوبيسات مزودة بشاشات لمعرفة وقت الوصول وزمن التقاطر، لأن بيتم تنفيذه على مرحلتين بعدد 49 محطة.

كما، المشروع ده بيستهدف تشغيل 100 أتوبيس كهربائي، بطول الطريق، عشان يتم الربط مع وسائل النقل التانية، زي مواقف السيرفيس أسفل الطريق الدائري، وكمان المترو والقطارات والسوبر جيت.

وبالنسبة لمعدلات التنفيذ، فتم إنشاء 36 محطة كمرحلة أولى لمسار الاتوبيسات، كمان تم توسعة الطريق الدايري في المسافة من محور المريوطية/ المنيب / لحد طريق إسكندرية الزراعي والمساقة من تقاطع المنصورية /طريق الفيوم/ تقاطع طريق الواحات، بإجمالى 76 كم، وبالتالي هيكون في 100 أتوبيس هتشتغل عليها وتنقل الركاب في المنطقة دي.

وبعد التشغيل الرسمي، هيتم تنفيذ باقي مراحل المشروع عشان يحقق وسيلة النقل الكامل لكل مواطن بيستخدم الطريق الدايري.

أما التذاكر، فهتكون "شرايح" زي المترو كده، فحضرتك هتقطع تذكرتك على حساب طول المسافة، يعني هيكون في نوعين تذاكر، الأولى الثابتة والتانية المرنة، وفي النهاية التكلفة هتكون بالكيلو.