كشف ناصر منسي، مهاجم الفريق الأول لكرة القدم بالزمالك، عن كواليس جديدة بشان مباراة السوبر الإفريقي أمام الأهلي وإحرازه هدف التعادل خلال الوقت الأصلي للقاء والذي ساهم في وصول اللقاء لركلات الترجيح وتتويج الفارس الأبيض بالبطولة.

وتوج الزمالك ببطولة السوبر الإفريقي على حساب النادي الأهلي في المباراة التي أقيمت على ملعب المملكة أرينا في المملكة العربية السعودية، بركلات الترجيح 4-3، بعد انتهاء الوقت الأصلي للمباراة بالتعادل الإيجابي بهدف لكل فريق

وقال منسي، خلال تصريحات تليفزيونية عبر قناة “أون تايم سبورتس1″:” جمهور الزمالك كله وانا نازل بيزعقوا لمستر جوميز مين اللي منزله ده ونزلت وجبت الهدف، قبل السوبر باسبوع كنت حاسس هنزل اجيب جول وقلت لزياد كمال هنزل اجيب جول التعادل وهنكسب ركلات جزاء، زيادكمال قريب مني جدا”.

وأضاف: “ربنا كافئني بالهدف، قبل المباراة بأسبوع كنت مستعد وكنت لميت شنطي ومش هسافر، قدرت ارد على كل واحد قال عليا كلمه مش كويسه ومسامحه، وقدرت افرح الجمهور العظيم وبوعدهم اقدر افرحهم واعمل كل حاجه”.

وشدد منسي:” اكتر تعليق زعلني كان على السوشيال ميديا انا مش بتابع بس واحد صاحبي بعتلي انت ماشي والزمالك هيمشيك، وكنت بقول انا تحت امرهم، انا اجتهدت وتعبت وربنا كافئني في ماتش السوبر”.

وتابع:” احساس كبير احرازك في مباراة امام الاهلي وتاخد البطولة احساس جميل مش عاوز اقولك قعدت اسبوع منمتش’.

واردف منسي: “انا زملكاوي جدا وبروح المدرج من صغري انا بحب الزمالك جدا وكنت زعلان من الكلام اللي بيتقال عليا، و بيصعب عليا نفسي جدا ان انا ماشي وربنا كافئني بهدف السوبر”.

وأختتم:” أحترم جماهير الأهلي وكنت متحمسا بشدة في المباراة، فاحتفلت بنفس طريقة لاعبي الأهلي”.