كشفت الفنانة إسعاد يونس، عن كواليس بدايتها في الفن، وذلك خلال ندوة بمهرجان الجونة السينمائي في دورته السابعة، التي تديرها الفنانة يسرا.

سر عن إسعاد يونس 

وقالت إسعاد يون: «أنا بدايتي كانت في الراديو، كان في قناة إذاعية بتطلب ناس بترتب المكتبة الإذاعية، وأنا عمري كان 16 سنة، وفعلا قدمت بترشيح من هاني أبو زيد، ودخلني لمدير الإذاعة اللي اعترض في الأول عشان صغر سني، بس بعد كدا اقتنع، وانتقلت بعد كدا في العديد من الإذاعات، لحد ما اتخرجت وبقى معايا بكالوريوس وبقيت مذيعة».

إسعاد يونس: «أنا كنت عاشقة جدا للراديو، ولما بقيت امثل بقيت عاشقة جدا للتمثيل، وبدايتي الحقيقة كان في ميزو عام 1967 مع الفنان سمير غانم، والكواليس كانت كلها ضحك هزار، وكنا قاعدين وفجأة لقيت سمير داخل عليا وقالي قومي انزلي معايا أنا بعمل مسلسل وعايزك معايا، قولتله إيه دا في أيه اهدي، قالي هو كدا يلا بينا».

كواليس عمل لإسعاد يونس

وأضافت إسعاد يونس: «روحت معاه والمخرج اداني مشهد وقالي ممكن تعمليه، وفعلا عملته قالهم هاتوا العقد دلوقت حالا، انتي معانا خلاص، واشتغلت وكنا داخلين رمضان الأيام دي، وبدأنا نذيع واحنا بنشتغل، والناس كانت بتشوفنا في الشارع وتنادي علينا بأسماء الشخصيات، من كتر النجاح.. حاسة إن ربنا دلوقت بيعوضني».