اللاعب المصرى عمرمرموش بعد انتقاله إلى فريق مانشسترسيتى  الانجليزى الأيام الماضية قادم من فريق انتراخت فرانكفورت الالمانى  اصبح حديث العالم ومنذ انهاء صفقة انتقاله ارتفع عدد المتابعيين للصفحة الرسمية لنادى مانشيستر سيتى على موقع التواصل الأجتماعى

بيب جورديولا مدرب مان سيتى سعيد بصفقة اللاعب المصرى عمرمرموش وقدمه النادى بعد التوقيع  تقديم الأبطال وبالفعل عمر مرموش بطل يستحق ذات وأكثر، وهو يعتبر طوق النجاة لفريق جورديولا للخروج به إلى بر الأمان بعد الاداء الهزيل هذا الموسم وهو حامل  الدورى الإنجليزى العام الماضى  ، واختلف الوضع كثيرا هذا العام لسوء نتائج الفريق 

هالاند أول معجب بـ عمرمرموش 

نجم مانشستر سيتى الاعب إيرلينج هالاند يعتب أول لاعب فى الفريق يتابع نجمنا العالمى عمر مرموش بعد انضمامه للفريق الانجليزى على الانستجرام، وهو هنا يمد حبال الود، لأن عمر مرموش هو تميمة الحظ له فى أن يحقق لقب هداف الدوري الأنجليزى هذا العام والذى يتفوق عليه حاليا  نجمنا المصرى محمد صلاح نجم ليفربول  ويتربع على عرش الهدافين حاليا 

قال الكاتب الصحفى تامر أمين عبده عبر صفحته الشخصية على موقع التواصل الأجتماعى الفيس بوك، أن صفقة "عمرمرموش" إثبات إن سد الودان عن كلام الناس اللي كده كده عمرهم ما هيبطلوا كلام هو الطريق الوحيد للنجاح.. خلي اللي يهري يهري.. 

عمرمرموش كان عنده مليون سبب إنه يفشل

الراجل ده كان عنده مليون سبب إنه يفشل ويرمي ورا ضهره أى حاجة ليها علاقة ببلده بسبب بتوع الهمبكة.. همبكة "رضا عبدالعال" اللي قال بمنتهى الفجاجة إن "مرموش فنكوش"!.. همبكة "شوقي غريب" المدرب الأسبق للمنتخب الأولميبي ومنتخب الشباب اللي رفض يستدعيه لمعسكرات المنتخب وقال الجملة الخالدة الخايبة: (ليه ندفع تذاكر طيران عشان نجيب لاعب عادي وعندي زيه كتير).. كلام زى السم حرفيًا.. 

اضاف تامر أمين عبده، أكيد كان الكلام ده بيوصل له، وأكيد كان بيزعله، بس الأكيد برضه إنه كان بيبقى دافع له يثبت للكل عكس اللي بيقولوه!.. استحمل التنطيط على سبيل الإعارة بين 4 أندية عشان بس يوصل للهدف بتاعه.. 

بالمناسبة.. والد "عمرمرموش" ووالدته عاشوا 6 سنين في كندا وبقى معاهم الجنسية هما وأولادهم وكان ممكن "عمرمرموش" يمثل منتخب كندا واتعرض عليه فعلًا بس هو رفض وقال إنه هينضم لمنتخب مصر لإنه مصري 100%.. رغم اللي بيتقال عليك؟.. أيوا ومسير الفرصة تيجي.. 

"مرموش" كان في مقابلة تليفزيونية يوم 20 يناير 2024 وقال كده بالنص: (نفسي احترف في الدوري الإنجليزي في واحد من الأندية الـ 6 الكبار).. والنهاردة 23 يناير 2025 "مرموش" بيحقق حلمه وبينضم لأنجح نادي إنجليزي في آخر 20 سنة.. الله!.. طب ما الأحلام طبعت بتتحقق أهو!.. 

راجل بشوش، ومتفائل، ومركز في ورقته وطريقه ومالوش دعوة بحد.. ربنا يحفظك ويوفقك يا ابن مصر.