يستعد المطرب رامي صبري لإحياء حفل غنائي جديد له في الشرم الشيخ يوم 31 من شهر يناير المقبل، ومن المتوقع أن يشهد الحفل حضورًا كبيرًا من الجمهور للاستمتاع بباقة من أجمل أغناني رامي صبري، وفقا لما رصده موقع تحيا مصر.
رامي صبري عن تامر حسني: عنده صفاء نفسي مش عندي أنا شخصيا
وسبق وأن أشاد رامي صبري بنجم الجيل تامر حسني من خلال منشور عبر حسابه الرسمي على موقع التواصل الاجتماعي فيسبوك وأعرب عن سعادته الكبيرة بهذا التعاون وفخره به وأشاد بأخلاق تامر حسني العالية التي أبهرته.
وقال رامي صبري: "أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده .. تامر حسني فنان كبير جدا جدا ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً . أولا علشان عنده صفاء نفسي مش موجود عندي أنا شخصياً".
تعاون رامي صبري وتامر حسني
وتابع: أنا دايماً ليا رد فعلا انما هو بيسيب الحاجات زي ماهي وما بيحبش يرد ودي حاجة صعبة جدا جدا .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن.. شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش بطلع غير من فنان حقيقي عنده احساس بالناس والاهم واثق من نفسه، قريبا جدا هتشوفو وهاتسمعوا أغنية ( فعلا مبيتنسيش) على جميع منصات الموسيقى في العالم.
كلمات أغنية فعلا مبيتنسيش
وتقول كلمات أغنية فعلا مبيتنسيش: كان عقلي فين مني زمان أنا جيت أوي عليه.. قفلت أنا كل البيبان بينا بعمايلي فيه فرطت فيه بإيديا أنا أذيته طول السنين.. وجالي قلب ازاي كده والقسوه جاتلي منين ضميري مش مرتاح عشان ضيعته بأيديا.. أناني كنت و هو كان باقي عليا انا اللي 1000 مرة خان و لا عاب في يوم فيا.. فعلاً مابيتنسيش و حاولت أتعايش بفشل واقفه حياتي و مش بعيش و بكابر عامل قادر.. و إن فراقه مهزنيش و أنا تايه في الحياه.
0 تعليق