حرص الملحن مصطفى جاد التعليق على موقف الفنان أحمد حلمي معه في مسرحية بني آدم، وذلك من خلال مقطع فيديو عبر حسابه الشخصي على موقع التواصل الاجتماعي فيسبوك.
تصريحات مصطفى جاد عن موقف أحمد حلمي معه
ومن أبرز تصريحات مصطفى جاد عن موقف أحمد حلمي معه والتي يرصدها موقع تحيا مصر:
- أنا طالع اتكلم النهاردة عشان سبب واحد بس وهي أني عندي شهادة حق اللي مينفعش اكتمها
- أنا وأحمد حلمي نعرف بعض من ٥ سنين وهو نجم كبير أنا بحبه وبحب هزاره.. والهزار كان يخصني أنا
- أحمد حلمي لما نزل للجمهور يومها كان نازل بشخصيته اللي في المسرحية اللي هي شخصية شريرة جدا
- وقال الإفيه اللذيذ اللطيف اللي مفيش فيه أي حاجة تهين لأن الراجل هو اللي عازمنا وأنا قادر اشتري تذاكر المسرحية كلها
- الهزار كان معايا والهزار في حالتي مقبول بس احنا بقينا نقابل كل حاجة بعنف
- من حق المصريين أنهم يغيروا على بلدهم وإنهم يكونوا إيد واحدة ضد أي حاجة تهدد بلدهم ولازم يكون عندنا الغضب دا بس لما يكون فيه سبب
أحمد حلمي واتهامه بالإساءة لمصر بعد موقفه مع مصطفى جاد
وكان قد ظهر أحمد حلمي ف الفيديو المتداول والذي رصده موقع تحيا مصر وهو ينزل من المسرح وينكر معرفته بالملحن مصطفى جاد قائلا: "انت مين"، ليرد عليه جاد: "أنا مصري"، فجاءت مزحة أحمد حلمي معه على النحو الآتي: "مصري وقاعد في صف أول اكيد معزوم".
استفز الفيديو المصريين بشكل كبير جدا، واعتبره البعض إساءة لهم وللملحن مصطفى جاد الذي أنكر أحمد حلمي معرفته به رغم وجوده بجانب زوجته كارمن سليمان والتي تعتبر مطربة شهير داخل مصر، ووصف الجمهور إفيه حلمي بأنه غير موفق وغير مقبول نهائيا.
مصطفى جاد يدافع عن زوجته كارمن سليمان
وسبق وأن حرص الملحن مصطفى جاد الرد على الانتقادات التي وجهت له بعد أن وصف زوجته المطربة كارمن سليمان بأنها صوت مصر، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب مصطفى جاد: تتفقوا أو تختلفوا معايا مش مشكلة.. ده مش بس رأيي ده توقع لمستقبل صوت مصر النسائي الأول بجدارة وعن استحقاق خلال سنين قليلة قوي جاية.. أنا مش بس ملحن أنا Music Producer، وعندي رؤية ومشروع والموضوع بالنسبالي معطيات ومؤهلات وشغل سنين ونتايج ومسؤولية وإحترام للموهبة.. اللي مش شايف ده دلوقتي هيشوفوا بعدين ومش عيب إنك تكون معندكش الرؤية دي بس العيب إنك تدخل في خناقة معايا عشان رأيي مش عاجبك.
0 تعليق