الدهب اليومين ده سعره غريب وكل يوم في الطالع خصوصا أن الأجواء في مصر مستقرة ومفيش حاجة تستدعي الزيادات الجديدة دي.. ياتري ايه الحاجات اللي بتأثر في أسعار الذهب وامتي الذهب هيوصل ل 5 آلاف جنيه

اللي متابع لأسعار الذهب في هيشوف أن الأسعار كل يوم بتتغير وبارقام كبيرة والذهب في أقل من شهر خقق مكاسب أكثر من 400 جنية للجرام عيار 21 واللي هو الأكثر مبيعا وانتشارا في مصر خصوصا في القري ومحافظات الصعيد.

المكاسب اللي حققها الذهب في الأيام اللي فاتت خلصت الناس تسال ليه أسعار الذهب في مصر ارتفعت بالشكل ده خصوصا أن الدنيا في مصر بقالها كتيرة مستقرة ومفيش اي حاجة تستدعي الزيادة الكبيرة في الأسعار خصوصا أن سعر الجرام 21 داخل الي 4100 جنية وده رقم كبير جدا محلصش في مصر من قبل قرارت تحرير سعر الصرف في مصر بشكل مرن واللي كانت مع الربع الأول من 2024 واللي كان معاه نهاية السوق السوداء في التجارة بالعملات في مصر واللي هيا كانت السبب الرئيسي في الزيادات الكبيرة في الأسعار.

طيب اية اسباب زيادة أسعار الذهب في مصر ؟
أسعار الذهب في مصر بتتأثر بالأحداث العالمية وحاليا في قرارات كتيرة أثرت بشكل كامل على الاقتصاد العالمي والذهب من أهم الحاجات اللي تأثرت.. واخد من أهم الحاجات اللي أثرت على الاقتصاد العالمي هو القرارات الاقتصادية الأخيرة اللي بدأت تظهر بين الولايات المتحدة الأمريكية والصين واللي ظهرت بعد تصريحات الرئيس الأمريكي دونالد ترامب عن اعتزامه فرض رسوم جمركية الي الواردات اللي بتدخل بلاده من دول كتيرة خصوصا الصين، والصين ردت عليها هيا كمان بفرض رسوم جمركية علي الواردات من الولايات المتحدة الأمريكية، وطبعا القرارات دي أثرت بشكل سلبي علي حركة التجارة العالمية خصوصا أن الدولتين دول هما من أكبر الدول الصناعية في العالم كله.

لازم تكون فين أن أسعار الذهب العالمية بتتاثر باكثر من حاجة ويتكون هيا السبب الرئيسي في الزيادات اللي بتحصل في الأسعار أولهم القرارات الاقتصادية العالمية واللي بتاثر علي البورصة العالمية واللي طبعا متأثرة بشكل كبير جدا بسبب تلك تصريحات ترامب، تاني حاجة بتأثر لي أسعار الذهب هيا الدولار وعلي الرغم من أن اللي معروف أن في علاقة عكسية بين الدولار والذهب وان الدولار كل ما يغلي الذهب يرجع وكل ما الدولار يرخص الذهب يغلي، ولكن برضوا القرارات الاقتصادية اللي موجودة بين الصين والولايات المتحدة الأمريكية خلت في طلب عالمي الي الدولار وده السبب الرئيسي في زيادة سعره مؤخرا، وبرضوا الزيادة دي انعكست علي أسعار الذهب.

شيعية الذهب أكدت أن الأسعار هتفضل تتراوح ما بين الزيادة الانخفاض وهيكون ميزان أسعار  الذهب في اتجاه الزيادة طول ما حركة التوترات السياسية والقرارات الاقتصادية اللي متضاربة حاليا موجودة ومش بعيد تشوف قريب إن أسعار الذهب داخله علي 5 آلاف جنيه خصوصا أن محدش عارف الأحداث السياسية اللي بتتغير بين لحظة والتانية رايحة علي فين، بالتالي المتوقع أن الأسعار تفضل مكملة في الارتفاع، ونصحت المواطنين اللي عايزين يشتروا ذهب ينزلوا يشتروا دلوقتي خصوصا أن أسعار الذهب العالمية محدش عارف رائحة فين طول ما فيي في تغيرات جيوسياسية موجودة.