السبت 15 فبراير 2025 | 11:15 صباحاً

الإعلامي عمرو أديب

أثار الإعلامي عمرو أديب جدلًا واسعًا على السوشيال ميديا، بعد الإفصاح عن الأجر الذي يتقاضاه سنويًا من شبكة قنوات MBC، خلال كلمته في القمة العالمية للحكومات.

عمرو أديب يتقاضى 2.5 مليون دولار في السنة

وقال «أديب» من داخل القمة العالمية للحكومات 2025 في دبي، إنه يتقاضى 2.5 مليون دولار في السنة، مشيرًا إلى أن مهنة الإعلامي ليست سهلة.

وأوضح: «أنا باخد 2.5 مليون دولار (نحو 126 مليون جنيه) في السنة، مش بقول كده فخرًا، ومهنة الإعلامي في العالم العربي ليست سهلة».

عمرو أديب يعاني من سعر البيض

وتابع أديب: «ناس كتير تيجي تقول لك بليل وماقولتش كده، طب ما تقول أنت، وريني بتعملها ازاي، أنا نفسي دايما أقول للناس إن الأسعار غالية، أنا أكتر أزمة اتعرضت ليها الفترة اللي فاتت كانت سعر البيض».

وأكمل: «خدوا بال حضراتكم المواطن العادي لا يهتم أوي بحلف الشمال الأطلسي، المواطن يهتم بسعر البيضة وسعر اللحمة، وسعر الأرز، هي دي السياسة عندنا في مصر، هي دي اللي لو أنت اتكلمت فيها هي دي اللي عندك فيها مشكلة».

وختم أديب قائلًا: «إنما بقى تتكلم عن الأحزاب، وعن التمثيل النسبي، أو عن الميم، يا سلام هات الميم والعين واللام وكل الحروف اللي انت عايزها، إنما عندما تتحدث عن أكل العيش، لازم تعلموا أننا نعمل في ظروف، كلنا مش في بلد واحدة». 

5 دولارات في الثانية

وتداول رواد السوشيال ميديا، خبر أجر عمرو أديب على سبيل المزاج، حيث قام أحد نشطاء فيسبوك بالتعليق على خبر قائلًا الثانية في حياة عمرو أديب بـ 5 دولارات أي حوالي 243 جنيه مصري.