كشف الفنان أحمد العوضي عن مشاركته في برنامج رامز إيلون مصر، الذي من المقرر طرحه في الموسم الرمضاني المقبل.

أحمد العوضي يكشف عن مشاركته في برنامج رامز إيلون مصر

وقال أحمد العوضي في تصريحات تلفزيونية رصدها موقع تحيا مصر: ياسر جلال أخويا وأنا بحبه.. والعلاقة الشخصية اللي بيننا كبيرة وهو من أطيب البني آدمين اللي قابلتهم في حياتي وبيحب الخير لكل زمايله وبحب رامز كمان بغض النظر عن اللي عمله معايا في البرنامج.

مسابقة أحمد العوضي الجديدة

وسبق وأن أعلن الفنان أحمد العوضي عن مسابقة جديدة بخصوص مسلسله الرمضاني الجديد فهد البطل، وذلك من خلال مقطع فيديو عبر حسابه الشخصي على موقع التواصل الاجتماعي فيسبوك.

وقال أحمد العوضي في مقطع الفيديو الذي رصده موقع تحيا مصر: مساء الفل على كل اخواتي بصور دلوقتي فهد البطل وبكلمكم من اللوكيشن استنوا بإذن الله مسابقة رقم ٣٩ أول يوم رمضان زي ما اتعودنا هتكون بنص مليون جنيه وهيكسبها عشرين أخ وأخت وكل يوم هقولكم المسابقة هتبقى بكام استنوني في فهد البطل مسلسل طرش بإذن الله وإن شاء الله على أخر رمضان نكمل ٧٠ مسابقة واحنا اللي بدأناها وهنكمل فيها مع بعضينا وكل سنة وأنتم طيبين ورمضان كريم عليكم.

أحمد العوضي يرد على منتقديه: اللي مش عاجبه اللي بقدمه ميتفرجش

وعلى صعيد آخر، قال أحمد العوضي في تصريح جديد له حول الانتقادات المثارة حول تكرار تقديم أدواره الشعبية:  ما كله بيقدم اعمال شعبية وعادي جت على العوضي ويقول لا، ياعم أنا مبقدمش غير شعبي واللي عجبه ميتفرجش أنا ليا اخواتي وحبيابي اللي بيحبوني وبيحبوا أعمالي دي، وبعدين أنا عملت شخصيات مكنتش شعبية زي عشماوي والكوماندا كان صعيدي.

وتابع أحمد العوضي وفقا لما رصده موقع تحيا مصر: أنا مببشغلنيش حوار حد متضايق من نجاحي أو غيره، مبحبش نظرية المؤامرة وبشوف أن حد يطلع يقول فلان مش عايزني أنجح ده ضعف.