مصر عندها خطة للتوسع في مشروعات والاستثمارات الخضراء.. ياتري اية هيا الاستثمارات الخضراء.. واية العوائد اللي بترجع علي الدولة من المشروعات اللي من النوع ده.. وامتي الدولة هتحول كل مشروعات لمشروعات خضراء

المشروعات الخضراء، واحد من المصطلحات اللي موجودة من زمان واللي اغلب الدول للاسف مكانش بتعمل اية، والهدف الاساسي منه هو الحفاظ علي البيئة وطبقة الأوزون، وتخفيف انبعاثات ثاني اكسيد الكربون واستخدام المواد صديقة البيئة في التعاملات اليومية.

الثورة الصناعية اللي حصلت في عدد كبير من دول العالم وخصوصا في دول القارة العجوز في أوروبا تسببب في حدوث نوع من انواع اختلال النظام البيئي وده ادي الي حدوث بعض الظواهر المناخية اللي بقت بتهدد العالم كله في الوقت الحالي زي ظاهرة الاحتباس الحراري وذوبان الجليد في القطب الشمالي ودول بقوا حاجات بتهدد العالم كله، علشان كده الدول اتفقت علي وضع خطة للتحول الي الممارسات الخضراء وزيادة الاعتماد علي الموارد الطبيعية وتقليل استخدام الوقود الاحفوري، وكمان بتيم تخصيص ميزانية من المؤتمرات العالمية اللي بتتنظم علي مستوي العالم والخاصة بقضايا المناخ لمعالجة المشاكل المناخية والتحفيز علي الاتجاه للاقتصاد الاخضر.

طيب اية اللي عملته مصر في موضوع الاستثمارات الخضراء وازاي مصر بتتوسع فيه؟.

مصر في الوقت الحالي بتعد من اكثر الدول اللي متلزمة ببنود اتفاقيات المناخ واللي وقعت عليها وقت استضافتها لمؤتمر تغير المناخ كوب 26، وفعلا مصر بدأت عصر جديد في نواحي اقتصادية واستثمارية كبيرة في مصر، خصوصا في مجالات الطاقة ووسائل المواصلات وانتاج الكهرباء.

واحد من الحاجات اللي عملتها مصر وبقت دولة رائدة عالمية هيا قطاع الكهرباء، وحاليا مصر عندها خطة للوصول إلي 42% من حجم الطاقة المستهلكة في 2030، ومستهدف الوصول إلي 60% من حجم الطاقة المستهلكة في 2040 من خلال استغلال طاقا الشمس والرياح، ده غير كمان التوسع في انتاج الهيدروجين الأخضر واللي مصر اعلنت أنها هتنتج الهيدروجين الارخص في العالم منه واللي هيستخدم في تشغيل محركات السيارات والسفن بديل عن البنزين والسولار، ده غير كمان التوسع في تركيب محطات الطاقة الشمسية لتشغيل المصانع، والتوسع في أنتاج وتشغيل مصانع انتاج السيارات الكهرباء والحافلات الخضراء، ودي كلها وسائل مصر شغالة عليها لتقليل الاعتماد علي الوقود الأحفوري بهدف تقليل انبعاثات ثاني اكسيد الكربون.