خلال حوار المهندس نجيب ساويرس، رجل الأعمال ورئيس شركة أوراسكوم القابضة للاستثمار، مع الإعلامية لميس الحديدى فى برنامج «كلمة أخيرة»، ناقش معنى النجاح في وجهة نظره، وهو أن يكون الأول في مجال يشارك فيه.

وفي إجابته عن سؤال «لسا عايز تبقى الأول دايمًا؟»، قال: «أنا لما اعمل حاجة لازم اطلع الأولاني، لما طلعت التاني في أصعب كلية هندسة في أوروبا عمري ما حكيت عن القصة دي لحد، لاني طلعت الثاني».

وحين سألته «الحديدي» باستغراب: الثاني بالنسبة لك مشكلة؟. أجاب: «اه، مطلعتش الأول، أنا مبسوط إني أنا واحد من أكبر 4 مستثمرين في مجال الذهب على مستوى العالم».

أما عن ترتيب فوربس وكونه رقم 400 بين أغنياء العالم قال: «اه طبعا زعلان إني مش في المقدمة، دلوقتي حاسس إن أنا نكّره، يعني لو مش في المقدمة على العالم خلاص يبقى مش مهم بقى الترتيب»، خاتمًا حديثه أن حلمه منذ الصغر كان أن يصبح أغنى رجل في العالم.

وبشأن أن كثرة الأموال تساهم في مساعدة قدر أكبر من الناس، قال: «عايز أعمل فلوس أكتر علشان أعمل خير أكتر، منا مش هشتري عربية جديدة يعني، أو بيت جديد أكيد».