أيدت محكمة مستأنف شمال القاهرة المنعقدة بالعباسية بتأييد حكم الإعدام الصادر ضد المتهم الأول بقتل ممرض المنيا “مينا”، وتخفيف عقوبة للمؤبد على المتهم الثاني.

الحكم على المتهمين بقتل الممرض مينا موسى

والجلسة السابق، قررت محكمة مستأنف شمال القاهرة المنعقدة بالعباسية، تأجيل جلسة النطق بالحكم على المتهمين في قضية إنهاء حياة مينا موسى ممرض المنيا، وتقطيع جثمانه بالزاوية الحمراء لجلسة 26 فبراير 2025، وذلك بعد إحالتهم للمفتي بالجلسة السابقة.

ونظرت محكمة مستأنف شمال القاهرة، المنعقدة في العباسية، اليوم الإثنين، جلسة النطق بالحكم في قضية ممرض المنيا، التي أثارت جدلًا واسعًا، والخاصة بمقتل "مينا موسى"، ممرض المنيا، الذي قُتل بدم بارد وتعرض جثمانه للتقطيع وإلقائه في ترعة الإسماعيلية، وكانت المحكمة قد قررت في جلستها السابقة إحالة أوراق المتهمين إلى مفتي الجمهورية، تمهيدًا لإصدار حكمها النهائي.

أسرة مينا

وفي وقت سابق، عبرت أسرة مينا ممرض المنيا الذي تم استدراجه وقتله في الدرب الأحمر بطريقة وحشية عن طريق تقطيع جثمانه، خلال تصريح خاص لموقع تحيا مصر، عن رضها بقرار المحكمة بإحالة أوراق المتهمين إلى مفتي الجمهورية لأخذ الرأي الشرعي في إعدامها.

اعترافات المتهمين بقتل ممرض المنيا

وفي وقت سابق، أدلى المتهمين بقتل مينا موسى ممرض المنيا أمام جهات التحقيق وتفاصيل وكيفية قتله وتقطيع جثته إلى أشلاء، وإلقاء جثته في ترعة الإسماعيلية.

حيث اعترف المتهم الأول إبراهيم. ر، في اعترافاته: اسمي إبراهيم دبلوم صنایع وبشتغل عامل في المنيا، لحد ما اتفتح قدامي مجال إني أكون جليس لكبار السن في القاهرة، مضيفا أنا من الضيقة اللي أنا فيها بدأت أفكر ازاي أجيب فلوس وفي يوم 28 / 9 / 2024 قبل يوم الواقعة مصطفى ابن خالتي جه يبات معايا في البيت اللي أنا شغال فيه، وكنت بتكلم معاه في الظروف الصعبة بتاعتي وإني محتاج فلوس قالي إن هو كمان ظروفه صعبة والدنيا مخبطة معاه، قعدنا نفكر نجيب فلوس ازاي لحد ما جه في دماغي إننا نستدرج حد نجيبه على البيت اللي أنا شغال فيه نسرقه عشان الحاج محمد اللي أنا شغال معاه مبيتحركش إلا لما أنا أسنده، وجه في بالي واحد كان كلمني من فترة كبيرة سألني على شغل مع حد مسن وأنا سجلت رقمه من ساعتها، فكلمته من خط مش متسجل عملت فيها واحدة ست، وقلتله إني محتاج حد جليس مع راجل كبير، بس هو قالي إنه شغال ورشحلي مينا واداني رقمه وقالي إنه كان بيدور على شغل.

وأكمل المتهم بقتل مينا موسى في التحقيقات: كلمت مينا موسى وعملت إني واحدة ست برضو وقلتله نفس الكلام إني محتاج حد جليس مع راجل كبير بمرتب 350 جنيه في اليوم، وقالي إنه جاهز وقلتله إنه هيبدأ من يوم 29 / 9 / 2024، واتفقت معاه إنه ييجي الساعة 11 الصبح وقلتله يركب مواصلات ميدان السواح وينزل عند مصنع، وقعدت أنا ومصطفى نتفق هنعمل إيه واتفقنا إن أنا هنزل أجيب مينا لما يوصل ومصطفى هيكون في البيت مستخبي ورا الباب ومعاه ماسورة حديد وأول ما ندخل أنا ومينا وأقفل الباب هو يهدد مينا عشان ميعملش صوت ونسرقه ونمضيه على وصل أمانة أو نطلب فدية.