هجوم شديد شنه عملاء شركة معمار المرشدي على الشركة بسبب تباطؤ العمل بمشروع زهرة ، وجاء الهجوم بعد أن انتشر فيديو بأن الشركة بدأت فى وضع خرسانات بعد 5 سنوات من الترويج للمشروع، وبعد الوقفة الاحتجاجية التى نظمها الهملاء.
شركة معمار المرشدي
وقال العملاء تعليقاً على خرسانات شركة معمار المرشدي فى المشروع " شوية خرسانات تخلص كلها في ٣-٤ شهور طيب وبقية الاربع سنين عملتوا فيها ايه .. للاسف كذب وتدليس كل ملاك المرحلة الاولي المفترض يكونوا استلموا خلاص من سنة ودلوقتي بيستمتعوا بوحداتهم وبالشاطئ .. بس للاسف كل ده فشنك من مطور فاشل للاسف رغم اسمه اللي المفترض كبير بس مفيش عنده ادارة كلهم شوية هواه .. حسبنا الله ونعم الوكيل في اي حد استحل اموال الناس بالباطل".
وقال عميل اخر،" حلو انكو تبتدوا بعد ٥ سنين وتفرحوا بالانشاءات بس مطلوب نشاط اكبر ومصداقيه بعد فقدان الثقه بمواعيدكم وحتي احياء المكان مطلوب.
وتابع،"زهره كان اول مشروع لشركه المرشدي في الساحل الشمالي وكان من المتوقع ان يظهر بثقله وما حدث انهم تناسوا المشروع بالمره الا من إعلانات رمضان السنوية وفقط.. الاحباط يملأ نفوس العملاء وملاك زهره الحاليين ..من الامانه أن تظهروا الواقع وخطه العمل ومواعيد التسليم اذا كنتم صادقين وجادين والا الفشل والسقوط سيكون حليف اداره المشمشي".
مشروع زهرة معمار المرشدي
وكان عدد من ملاك مشروع زهرة معمار المرشدي ، وقفة احتجاجية لمطالبة الشركة بإعلان موعد تسليمهم بعد 5 سنوات من المماطلة وعدم انتهاء المشروع على حد قولهم ، وقاموا بنشر صور للمشروع رغم الإعلانات التى تروج لها الشركة .
وقال أحد الملاك وهو مستثمر سعودي فى فيديو بثه عبر السوشيال ميديا" الشركة من الشركات الكبرى فى مصر ولكنها متأخرة فى التسليم بمشروع زهرة الساحل الشمالي رغم مرور 4 سنين من التعاقد وعايزين نعرف هنستلم امتى ولا م الشركة تطلع ترد".
وقال مالك اخر بالشركة محذرا من التعامل معها، "تجربتي مع المرشدي عند شراء شاليه في زهره طبعا السيلز عمل ليه البحر طحينه بمعني أسلوب وخدمه سبع نجوم ووصف ليه زهره علي انها قطعه من الجنة قال خدمات عباره عن كريستال لاجون صالحه للسباحه والاكوابارك وجولف كار وواجهه بانوراما وست شواطئ علي طول اربع كيلوا وبعد الشراء ما فيش اي حد من الشركه عايز يتكلم معاك أساسا وأسلوب سيء جدا وإلغاء في الخدمات كل شهر خدمه لحد ما وصلت زهره انها تكون مساكن الأنفوشي وياريت تسلم في المعاد لأ متاخره سنين فعلًا الشركه خلتني اكره اي شركات عقارات أساسا".
0 تعليق