قال محمد رمضان المدير الرياضي للنادي الأهلي، أنه واجه العديد من الصعوبات في حياته الخاصة، واستمر لمدة 18 شهر في المنزل بدون أي عمل وبدون أي دخل مالي، ويستعرض موقع تحيا مصر تصريحات محمد رمضان.
تصريحات محمد رمضان
وأضاف محمد رمضان في تصريحاته في برنامج كلم ربنا على الراديو 9090، خلال الضائقة المالية ووصلت للشهر الـ 17 ومراتي قررت تبيع دهبها وكان معاها دبلة دهب وبس وأولادي كانوا طارق وياسر والأمور كانت صعبة للغاية.
واستكمل محمد رمضان، في البداية كنت خجلان للغاية بسبب بيع دهب مراتي لأني في الأول كنت بطلب من ربنا وكان بيقف معايا وكنت في سن 40 سنة وحياتي مستقرة ومراتي قالتلي مفيش غير الدبلة.
وأردف محمد رمضان، بدأت أناجي ربنا وقولت "اللهم فك كربي" وربنا فكها عليا بحاجات محلمش بيها نهائيا وعمري ما تخليت عن مساعدة أهلي واستلفت فلوس علشان خاطر أبويا وأمي وكنت بعطيهم الفلوس وبحس بخير كتير جاي وفي سنة 2003 اشتغلت بالصدفة مدير كرة في النادي المصري وكانت لحظة الفرج.
محمد رمضان المدير الرياضي للنادي الأهلي
واستكمل محمد رمضان، طلبت رقم كبير من النادي المصري ووافقوا عليه، وفي سنة 2005 شخص كلمني في برنامج رياضي اسمه سوبر استارز زي فكرة ستاد أكاديمي ووافقت أشترك في البرنامج بدون تحديد الراتب.
واختتم محمد رمضان تصريحاته، قالولي الراتب هيكون 15 ألف وتواجدت بعدها في نادي المقاولون العرب في 2008 وعملت لائحة للنادي وتم عرضها على اللاعبين والإدارة وكان هناك رفض من الإدارة في البداية وتم الموافقة عليها بعد ذلك وكنت بمشي وأقول أبو دبلوم صنايع خلى المهندسين يوافقوا على اللائحة ودايما كان بيكون عندي إيمان حقيقي بربنا.
0 تعليق