ليه دايما الرئيس السيسي بيتكلم من منطلق قوة وثقة عن الدولة المصرية والشعب المصري وايه اللي بيحصل على الأرض وازاي الرئيس شات السكين من على رقبة الشعب..

مواقف الدول من الأحداث اللي حوليها بتحدده مراكز وأدوات القوة اللي عندها وبيقيس مدى التأثير للدولة من عدمه يعني لو دولة مواردها الاقتصادية ضعيفة مش هيكون ليها تأثير سياسي في إقليمها والعكس صحيح وكلنا فاكرين الرئيس السيسي لما كان بيقول لما أكبر هرد عليكم وكان يقصد أن لما مصر ترجع زي الاول واحسن هتقدر تتحكم في إقليمها وتوجه سياستها في اتجاه مصالحها ودا اللي حصل لما مصر بقي عندها اقتصاد قوي ولما قدرت تأمن أمنها الغذائي الاستراتيجي قدرت تتكلم وتقول لأ وتأثر في محيطها والعالم كله بيسمع كلام رئيسها ويعمله مليون حساب وقدر يرسم خطوط حمراء.. يعني الاقتصاد جزء أساسي من قوة اي دولة.

طيب مصر عملت ايه عشان تبني اقتصاد قوي وواعد ؟
اي حد محايد هيعرف إن اللي حصل في مصر خلال 10 سنين كان فوق طاقة البشر وضد قوانين الزمن وشفنا آلاف المشروعات الضخمة بتخلص في سنين معدودة والمشروع اللي بيحتاح 5 سنين بقي يتعمل في 12 شهر بس بنفس الجودة ومصر هزمت الزمن بإنشاء بنية أساسية في كل المجالات من طرق ومحاور ولوجستيات وطاقة وصناعة وزراعة وتصدير وتطوير ورقمنه واستثمار وسياحة وقطاع خاص وغيرها في كل المجالات والقطاعات الاقتصادية.

طيب ايه علاقة القوة المصرية باللي بيحصل في الدلتا الجديدة ؟
ببساطة اللي بيحصل في مشروع الدلتا الجديدة مجرد مثال على إن مصر بدأت تملك قرارها بنفسها وتوفر اكلها ومنتجاتها وحبوبها وبتتحرر من استيراد الغذاء من الخارج واللي كان نقطة ضعفه المصريين لكن الرئيس السيسي حول نقطة الضعف دي لمركز قوة وبقي المصريين بيملكوا غذائهم وبالتالي محدش بيتحكم في قرارهم ومصر عملت انجازات غير مسبوقة لتحقيق الاكتفاء الذاتي من محاصيل استراتيجية كتير وآخرها السكر وفي عهد الرئيس السيسي تضاعفت الرقعة الزراعية وزادت حوالي 3.5 مليون فدان ودا إنجاز تاريخي وغير مسبوق في تاريخ مصر الحديث.

مشروع الدلتا الجديدة اضخم مشروع استصلاح في المنطقة كلها بتكلفة 300 مليار جنية ومشروعات التوسع الافقي وبيستهدف إضافة أكتر من 2.2 مليون فدان وبيمثل 30% من حجم الدلتا القديمة بجانب اطلاق مشروع تنمية الريف المصري لاستصلاح وزراعة المليون ونصف المليون وتحقيق الاكتفاء الذاتي في الدواجن والالبان والاسماك و7 محاصيل رئيسية بالاضافة إلى مئات المليارات اللي تم انفاقها على البنية الاساسية.. واللي بيحصل في مشروع الدلتا الجديدة اضخم مما نتخيل لأنه مشروع عملاق استهدف إقامة وانشاء نسل جديد من خلال شبكات مواسير ضخمة لتوصيل المياه وهيكون مشروع متكامل مش مجرد زراعة بس وكفاية تعرف أنه هيكون فيه مجمعات صناعية قائمة على المحاصيل والمنتجات اللي بتتزرع ودا عشان التصدير وتوفير عملة صعبة وتعزيز الأمن القومي المصري وإضافة قوية للاقتصاد المصري.